మంచు విష్ణు ఎంతో ప్రతిష్టాత్మకంగా రూపొందించిన చిత్రం ‘కన్నప్ప’. దాదాపు 200 కోట్లకు పైగా భారీ బడ్జెట్తో రూపొందించిన ఈ చిత్రాన్ని ప్రధానంగా న్యూజిలాండ్లో చిత్రీకరించారు. బాలీవుడ్, కోలీవుడ్, మాలీవుడ్ల నుంచి స్టార్ నటులను తీసుకుని, అద్భుతమైన తారాగణంతో తెరకెక్కించారు. ముఖ్యంగా ప్రభాస్ నటించడం, ఈ సినిమాకు బలాన్ని చేకూర్చింది.
ప్రభాస్తో పాటు మోహన్ లాల్, అక్షయ్ కుమార్, శరత్ కుమార్ వంటి ప్రముఖులు కూడా ఈ సినిమాలో కనిపించి, ప్రేక్షకుల్లో ఆసక్తిని రేపారు. భారీ పబ్లిసిటీతో ప్రపంచవ్యాప్తంగా విడుదలైన ఈ సినిమా, తొలి రెండు మూడు రోజులు మంచి కలెక్షన్లతో దూసుకెళ్లినా, తర్వాత పెద్దగా వసూళ్లు అందుకోలేకపోయింది. అయినా, మనోజ్ విష్ణు నటనకు ఈసారి ప్రశంసలు లభించాయి.
కన్నప్ప సినిమా బ్లాక్ బస్టర్ కాకపోయినా, ఓ మోస్తరుగా విజయాన్ని నమోదు చేసి మంచు ఫ్యామిలీకి ఊరట కలిగించింది. ఇప్పుడు విష్ణు మరో పెద్ద కలపై దృష్టి సారించాడు – అది రామాయణం ప్రాజెక్ట్.విష్ణు మాటల ప్రకారం, రామాయణం కథను ఆయన ఇప్పటికే 2009లోనే రాసి సిద్ధం చేశారట. అప్పట్లోనె కథ, నటీనటుల ఎంపిక లాంటి పనులు ప్రారంభించారట కానీ, భారీ బడ్జెట్ వల్ల ప్రాజెక్ట్ ముందుకు కదలలేకపోయింది. తాజాగా, ఈ ప్రాజెక్ట్కు ప్రీ ప్రొడక్షన్ పనులు తిరిగి మొదలైనట్టు సమాచారం.సినిమాలో రాముడి పాత్రకు తమిళ స్టార్ సూర్య, సీతగా ఆలియా భట్, లక్ష్మణుడిగా నందమూరి కళ్యాణ్ రామ్, హనుమంతుడిగా మంచు విష్ణు, రావణుడిగా మోహన్ బాబు, ఇంద్రజిత్ పాత్రలో కార్తీ, జటాయుగా సత్యరాజ్ లాంటి తారాగణాన్ని ఫిక్స్ చేసినట్టు తెలుస్తోంది. ఈ క్యాస్టింగ్ చూస్తేనే, సినిమా స్థాయి ఏ రేంజ్లో ఉండబోతుందో అర్థమవుతుంది.ఇప్పటికే బాలీవుడ్లో నితేశ్ తివారి దర్శకత్వంలో రణ్బీర్ కపూర్ రాముడిగా ఓ భారీ రామాయణం సినిమా రూపొందుతోంది. ఇందులో సాయి పల్లవి సీతగా, యష్ రావణుడిగా నటిస్తున్నారు. ఈ చిత్రం మొదటి భాగం వచ్చే దీపావళికి విడుదల కావొచ్చునని సమాచారం. అంతేకాకుండా గతంలో అల్లు అరవింద్ కూడా రామాయణం ప్రాజెక్ట్ ప్లాన్ చేసినా, అది పూర్తిగా కార్యరూపం దాల్చలేదు.ఇక ఇప్పటికే విడుదలైన ‘ఆదిపురుష్’ (ప్రభాస్ ప్రధాన పాత్రలో) భారీ అంచనాలతో వచ్చినా, అది విఫలమైంది. రాముడి లుక్, కథన శైలి, విజువల్స్పై వచ్చిన విమర్శలతో సినిమాకు ఆశించిన స్థాయి విజయము దక్కలేదు. అయినా, పాటలు మాత్రం మంచి గుర్తింపు పొందాయి.మంచు విష్ణు నిజంగా ఈ ప్రాజెక్ట్పై ఎంతో పట్టుదలతో ఉన్నాడు. ఇందులో హనుమంతుడిగా తానే నటించాలని, అలాగే తన తండ్రి మోహన్ బాబుకు రావణుడి పాత్ర ఇవ్వాలని అనుకుంటున్నాడు. ఇప్పటికే స్క్రిప్ట్ సిద్ధంగా ఉండటం, తారాగణాన్ని ముందే ఆలోచించి ఉంచటం, ఇప్పుడు బడ్జెట్కు తగిన నిర్మాణ స్థాయిని ఏర్పాటు చేయడమే ప్రధాన ఛాలెంజ్.
ఈ సినిమా మీద అధికారిక ప్రకటన వెలువడితే, తెలుగు పరిశ్రమలో మరో భారీ పౌరాణిక ప్రాజెక్ట్ ప్రారంభమయ్యే అవకాశం ఉంది. భారీ పోటీ మధ్య మంచు విష్ణు తన కలల ప్రాజెక్ట్ను నిజం చేయగలడా? అనే ప్రశ్నకు సమాధానం త్వరలోనే తెలిసే అవకాశం ఉంది…
