బాలీవుడ్లో అత్యంత ప్రతిష్ఠాత్మకంగా తెరకెక్కుతున్న ‘రామాయణ’ సినిమా కోసం దేశవ్యాప్తంగా సినీ అభిమానులు ఆసక్తిగా ఎదురుచూస్తున్నారు. దర్శకుడు నితేష్ తివారీ తెరకెక్కిస్తున్న ఈ చిత్రంలో రణబీర్ కపూర్ శ్రీరాముడి పాత్రలో, సాయి పల్లవి సీత పాత్రలో నటిస్తున్నారు. ఇక రాకింగ్ స్టార్ యశ్ రావణుడి పాత్రలో కనిపించనుండగా, మండోదరి పాత్రలో కాజల్ నటిస్తున్నట్లు సమాచారం.
ఇప్పుడు అభిమానుల దృష్టి అంతా ఈ సినిమా ట్రైలర్పైనే ఉంది. మొదట ఈ ట్రైలర్ను 2026 జూలై 24న విడుదల చేయాలని భావించినప్పటికీ, అది వాయిదా పడినట్లు వార్తలు వచ్చాయి. తాజాగా వినిపిస్తున్న సమాచారం ప్రకారం, సోనీ పిక్చర్స్ ఎంటర్టైన్మెంట్ ఈ చిత్రానికి ప్రపంచవ్యాప్త పంపిణీదారుగా చేరిన నేపథ్యంలో, 2026 జూలై 30న విడుదల కానున్న ‘స్పైడర్-మ్యాన్: బ్రాండ్ న్యూ డే’ చిత్రంతో పాటు థియేటర్లలో ‘రామాయణ’ ట్రైలర్ను ప్రదర్శించే అవకాశం ఉందని ఇండస్ట్రీ వర్గాల్లో ప్రచారం జరుగుతోంది.
అంతేకాదు, ట్రైలర్ను థియేటర్లలో ప్రదర్శించడానికి ఒక రోజు ముందే, అంటే జూలై 29న డిజిటల్గా విడుదల చేయాలనే ఆలోచనలో చిత్ర బృందం ఉన్నట్లు కూడా ఊహాగానాలు వినిపిస్తున్నాయి. అయితే, ఈ విషయాలపై ఇప్పటివరకు చిత్ర యూనిట్ నుంచి ఎలాంటి అధికారిక ప్రకటన రాలేదు.
భారీ బడ్జెట్తో రూపొందుతున్న ఈ సినిమాలో హాలీవుడ్ స్థాయి విజువల్ ఎఫెక్ట్స్ కోసం విదేశీ నిపుణులు పనిచేస్తున్నారని సమాచారం. అత్యాధునిక టెక్నాలజీ, అద్భుతమైన సెట్స్తో భారత్తో పాటు విదేశాల్లోనూ చిత్రీకరణ కొనసాగుతోంది. ఇక ఈ చిత్రంలో సన్నీ డియోల్ హనుమంతుడి పాత్రలో, రవి దూబే లక్ష్మణుడి పాత్రలో కనిపించనున్నారు. ఇప్పటికే ఈ సినిమాపై భారీ అంచనాలు నెలకొన్న నేపథ్యంలో, ‘రామాయణ’ భారతీయ సినీ చరిత్రలో మరో విజువల్ స్పెక్టాకిల్గా నిలుస్తుందా లేదా అన్నది ఆసక్తికరంగా మారింది.
