స్టార్ పవర్, భారీ బడ్జెట్ కంటే కథకే ప్రేక్షకులు పట్టం కడుతున్న ఈ రోజుల్లో, కేవలం 52 నిమిషాల రన్టైమ్ ఉన్న ‘గ్రేటర్ కలేష్’ అనే హిందీ షార్ట్ ఫిల్మ్ నెట్ఫ్లిక్స్లో (Netflix) సంచలనం సృష్టిస్తోంది. 2025, అక్టోబర్ 17న విడుదలైన ఈ సింపుల్ ఫ్యామిలీ కామెడీ-డ్రామాకు IMDbలో కేవలం 5 రేటింగ్ ఉన్నప్పటికీ, వ్యూస్లో మాత్రం అగ్రస్థానంలో ట్రెండ్ అవుతూ, కోట్లాది మంది ఆడియన్స్కు చేరుకుంది.
ఈ కథ బెంగళూరులో ఉండే టింకిల్ హండా (అహ్సాస్ చన్నా) చుట్టూ తిరుగుతుంది. దీపావళికి తన ఫ్యామిలీకి సర్ప్రైజ్ ఇద్దామని ఢిల్లీలోని ‘గ్రేటర్ కైలాష్’లో ఉన్న తమ ఇంటికి వస్తుంది. సరదాగా పండగ చేసుకుందామని వచ్చిన ఆమెకు అక్కడ కొన్ని ఊహించని పరిస్థితులు ఎదురవుతాయి. అప్పటిదాకా బయటపడని కొన్ని ఫ్యామిలీ సీక్రెట్స్, పాత గొడవలు ఒక్కొక్కటిగా బయటకు రావడంతో పండగ మూడ్ మారిపోతుంది. ఆ కుటుంబం ఆ నిజాలను ఎలా ఎదుర్కొంది? అనే పాయింట్ చుట్టూ ఈ కథ రియలిస్టిక్గా నడుస్తుంది.
ఈ సినిమా “షార్ట్ అండ్ స్వీట్”గా, అనవసరమైన ల్యాగ్ లేకుండా సూటిగా పాయింట్లోకి వెళ్లిపోతుందని ఆడియన్స్ చెబుతున్నారు. ఒక నార్మల్ మిడిల్-క్లాస్ ఇండియన్ ఫ్యామిలీలో ఉండే అల్లరి, గొడవలు, అలకలు, అన్నింటినీ దాటి నిలిచే ప్రేమను ఈ మూవీ చాలా అందంగా చూపించింది. డార్క్, హెవీ కంటెంట్ చూసి విసిగిపోయిన ప్రేక్షకులకు ఆదిత్య చండియోక్ దర్శకత్వం వహించిన ఈ ‘గ్రేటర్ కలేష్’ ఒక రిఫ్రెషింగ్, హార్ట్ఫుల్ ఫ్యామిలీ ఎంటర్టైనర్గా నిలిచి, వీకెండ్కు పర్ఫెక్ట్ ఛాయిస్గా ట్రెండ్ అవుతోంది.
