టాలీవుడ్ సూపర్ స్టార్ మహేష్ బాబు మరోసారి ఇండియన్ సినిమా బాక్సాఫీస్ను షేక్ చేయడానికి సిద్ధమవుతున్నారా? ప్రస్తుతం ఆయన భారీ పాన్ ఇండియా ప్రాజెక్ట్ ‘వారణాసి’ షూటింగ్కు రెడీ అవుతుండగానే.. ఇప్పుడు ఫిలిం నగర్లో ఓ సెన్సేషనల్ న్యూస్ వైరల్గా మారింది. అదేంటంటే.. ‘కేజీఎఫ్’, ‘సలార్’ చిత్రాలతో మాస్ ఆడియన్స్ను ఊపేసిన స్టార్ డైరెక్టర్ ప్రశాంత్ నీల్తో మహేష్ బాబు జతకట్టబోతున్నారనే టాక్!
విశ్వసనీయ వర్గాల సమాచారం ప్రకారం.. ఈ క్రేజీ కాంబినేషన్ను సెట్ చేయడానికి ప్రముఖ నిర్మాణ సంస్థ హోంబలే ఫిల్మ్స్ రంగంలోకి దిగినట్లు తెలుస్తోంది. ఇప్పటికే మహేష్ బాబు డేట్స్ను కూడా బ్లాక్ చేసినట్లు ఇండస్ట్రీలో గట్టిగా ప్రచారం జరుగుతోంది. అంతేకాదు.. ప్రశాంత్ నీల్ చెప్పిన పవర్ఫుల్ స్టోరీ లైన్ మహేష్కు బాగా నచ్చిందని.. ఆయన ప్రాజెక్ట్కు గ్రీన్ సిగ్నల్ ఇచ్చారని కూడా టాక్ వినిపిస్తోంది. అన్నీ ప్లాన్ ప్రకారం జరిగితే త్వరలోనే ఈ ప్రాజెక్ట్పై అధికారిక ప్రకటన వచ్చే అవకాశం ఉందని సినీ వర్గాలు చెబుతున్నాయి.
ఇక ఈ కాంబో గురించి ఆలోచించుకుంటేనే అభిమానుల్లో ఊహించని హైప్ కనిపిస్తోంది. మహేష్ బాబు స్టైలిష్ స్క్రీన్ ప్రెజెన్స్కు.. ప్రశాంత్ నీల్ మార్క్ డార్క్ యాక్షన్ ఎలివేషన్స్ తోడైతే థియేటర్లలో ఏ రేంజ్లో మాస్ విధ్వంసం జరుగుతుందో ఊహించుకోవడానికే ఫ్యాన్స్కు గూస్బంప్స్ వస్తున్నాయి. సోషల్ మీడియాలో ఇప్పటికే “మహేష్ + నీల్ = ఇండస్ట్రీ రికార్డ్స్ షేక్” అంటూ పోస్టులు వైరల్ అవుతున్నాయి.
అయితే ఈ సినిమా సెట్స్పైకి వెళ్లడానికి కొంత సమయం పట్టే అవకాశం ఉంది. ప్రస్తుతం మహేష్ బాబు పూర్తిగా ‘వారణాసి’ ప్రాజెక్ట్పైనే ఫోకస్ పెట్టగా.. మరోవైపు ప్రశాంత్ నీల్ కూడా తన ప్రస్తుత కమిట్మెంట్స్ పూర్తి చేయాల్సి ఉంది. ఈ రెండు ప్రాజెక్టులు ముగిసిన తర్వాతే ఈ డ్రీమ్ కాంబినేషన్ ప్రారంభమయ్యే ఛాన్స్ ఉందని సమాచారం.
ఏదేమైనా.. ఈ ఒక్క వార్తే ఇప్పుడు టాలీవుడ్లో కొత్త ఊపును తీసుకొచ్చింది. మరి మహేష్ బాబు – ప్రశాంత్ నీల్ కాంబో నిజంగానే సెట్స్పైకి వస్తుందా? అధికారిక ప్రకటన వచ్చే వరకు వేచి చూడాల్సిందే!
