మెగాస్టార్ చిరంజీవి ప్రస్తుతం యువ దర్శకుడు కొల్లి బాబీ దర్శకత్వంలో ‘కాకా’ సినిమాతో బిజీగా ఉన్న సంగతి తెలిసిందే. ఈ సినిమా తర్వాత కూడా చిరంజీవి లైనప్‌లో పలువురు యువ దర్శకులు ఉన్నారు.
అయితే ఇప్పుడు ఓ క్రేజీ కోలీవుడ్ కాంబినేషన్‌పై ఇండస్ట్రీలో ఆసక్తికరమైన టాక్ వినిపిస్తోంది. తమిళ దర్శకుడు కార్తిక్ సుబ్బరాజ్.. మెగాస్టార్ చిరంజీవి కోసం ఓ కథను సిద్ధం చేసినట్లు వార్తలు వస్తున్నాయి.
కార్తిక్ సుబ్బరాజ్ ఇప్పటికే రజినీకాంత్, సూర్య వంటి స్టార్ హీరోలతో సినిమాలు చేశారు. ముఖ్యంగా గ్యాంగ్‌స్టర్, యాక్షన్ బ్యాక్‌డ్రాప్ కథలను తనదైన స్టైల్‌లో తెరకెక్కించడంలో ఆయనకు మంచి గుర్తింపు ఉంది.
ఇప్పుడు చిరంజీవి కోసం కూడా కార్తిక్ సుబ్బరాజ్ ఓ సబ్జెక్ట్ రెడీ చేసి, కథ గురించి చర్చలు జరిపినట్లు టాక్ వినిపిస్తోంది. అయితే ఈ కాంబినేషన్‌పై ఇప్పటివరకు అధికారిక ప్రకటన మాత్రం రాలేదు.
ఒకవేళ చిరంజీవి, కార్తిక్ సుబ్బరాజ్ కాంబినేషన్ నిజంగా సెట్ అయితే.. మెగాస్టార్‌ను కార్తిక్ సుబ్బరాజ్ ఎలా చూపించబోతున్నాడనే ఆసక్తి మాత్రం ఇప్పటి నుంచే మొదలైంది. మరి ఈ క్రేజీ కాంబినేషన్‌పై అధికారికంగా ఎప్పుడు క్లారిటీ వస్తుందో చూడాలి.
