టాలీవుడ్లో ఇప్పుడు ఇద్దరు ప్రముఖ నిర్మాతల మధ్య మొదలైన మాటల యుద్ధం ఇండస్ట్రీలో హాట్ టాపిక్గా మారింది. సునీల్ నారంగ్ మరియు సూర్యదేవర నాగ వంశీ మధ్య పెరిగిన విభేదాలు ఇప్పుడు ఫిలిం నగర్లో పెద్ద చర్చకు దారి తీశాయి.
థియేటర్ల కేటాయింపులు, సినిమాల రిలీజ్ డేట్ల వ్యవహారంలో ఏర్పడిన విభేదాల నేపథ్యంలో ఈ వివాదం మరింత వేడెక్కినట్లు తెలుస్తోంది. ముఖ్యంగా ఏషియన్ సినిమాస్ అధినేత సునీల్ నారంగ్ చేసిన వ్యాఖ్యలు సోషల్ మీడియాలో వైరల్ అవుతున్నాయి. సాధారణంగా వివాదాలకు దూరంగా ఉండే ఆయన.. ఈసారి మాత్రం నాగవంశీపై నేరుగా విమర్శలు చేసినట్లు ఇండస్ట్రీలో టాక్ నడుస్తోంది.
నాగవంశీ స్టైల్, ప్రవర్తనను ఉద్దేశిస్తూ సునీల్ నారంగ్ ఘాటు వ్యాఖ్యలు చేశారనే వార్త ఇప్పుడు చర్చనీయాంశంగా మారింది. “విగ్గు, కళ్లజోడుతో స్టైల్ చూపించడం కాకుండా అసలు విషయాలపై మాట్లాడాలి” అన్నట్టుగా ఆయన స్పందించినట్లు సమాచారం. దీంతో ఒక్కసారిగా ఈ వ్యవహారం సోషల్ మీడియాలో వైరల్ అయింది.
ఇక సూర్యదేవర నాగ వంశీ గురించి చెప్పాలంటే.. ఆయన తన ముక్కుసూటి స్వభావానికి, సోషల్ మీడియాలో ఇచ్చే స్ట్రాంగ్ కౌంటర్లకు మంచి గుర్తింపు పొందారు. తన సినిమాలపై లేదా తన బ్యానర్పై ఎవరైనా విమర్శలు చేస్తే వెంటనే స్పందించే వ్యక్తిగా ఆయనకు పేరు ఉంది. కానీ ఈసారి ఒక సీనియర్ నిర్మాత నుంచి వ్యక్తిగత స్థాయిలో కామెంట్స్ రావడం ఇండస్ట్రీలో మరింత హీట్ పెంచింది.
ఇద్దరూ టాలీవుడ్లో కీలకమైన వ్యక్తులే కావడం ఈ వివాదాన్ని మరింత ఆసక్తికరంగా మార్చింది. ఒకవైపు థియేటర్ నెట్వర్క్లో బలమైన పట్టు ఉన్న సునీల్ నారంగ్.. మరోవైపు వరుస భారీ సినిమాలతో బిజీగా ఉన్న నాగవంశీ. దీంతో వీరి మధ్య మొదలైన ఈ వార్ ఆఫ్ వర్డ్స్ భవిష్యత్తులో ఇంకా ఎలాంటి మలుపులు తిరుగుతుందో అని సినీ వర్గాలు ఆసక్తిగా గమనిస్తున్నాయి.
