టాలీవుడ్లో దర్శకుడు సుకుమార్కు ప్రత్యేకమైన క్రేజ్ ఉంది. ఆయన దగ్గర పనిచేసిన శిష్యులు కూడా తమ తొలి సినిమాలతోనే ప్రేక్షకులను మెప్పిస్తూ మంచి గుర్తింపు తెచ్చుకుంటున్నారు. అయితే ఇప్పుడు వీళ్ల విషయంలో ఓ ఆసక్తికరమైన సెంటిమెంట్ ఇండస్ట్రీలో చర్చకు వస్తోంది.
సుకుమార్ శిష్యులుగా వచ్చిన కొంతమంది దర్శకులు మొదటి సినిమాతో సూపర్ హిట్ అందుకున్నప్పటికీ.. రెండో సినిమాతో మాత్రం అదే స్థాయి విజయాన్ని అందుకోలేకపోతున్నారనే టాక్ వినిపిస్తోంది.
‘ఉప్పెన’ సినిమాతో దర్శకుడిగా బుచ్చిబాబు సానా భారీ విజయాన్ని అందుకున్నారు. ఆ తర్వాత రామ్ చరణ్తో తెరకెక్కించిన ‘పెద్ది’పై భారీ అంచనాలు ఏర్పడ్డాయి. అయితే ఈ సినిమా ప్రేక్షకుల అంచనాలను అందుకోలేకపోయిందనే చర్చ జరిగింది.
అదే విధంగా ‘దసరా’తో నాని కెరీర్లో మంచి హిట్ అందించిన శ్రీకాంత్ ఓదెల.. తన రెండో సినిమాగా ‘ది ప్యారడైజ్’ను తెరకెక్కించారు. భారీ అంచనాలతో వచ్చిన ఈ సినిమాపై కూడా ప్రేక్షకుల నుంచి మిశ్రమ స్పందన వచ్చింది.
ఇక ఇప్పుడు అందరి దృష్టి సుకుమార్ మరో శిష్యుడు కార్తీక్ దండు వైపు మళ్లింది. ‘విరూపాక్ష’ సినిమాతో మంచి విజయాన్ని అందుకున్న కార్తీక్ దండు.. ప్రస్తుతం నాగచైతన్యతో ‘వృషకర్మ’ అనే సినిమాను తెరకెక్కిస్తున్నారు.
‘విరూపాక్ష’ తర్వాత కార్తీక్ దండు చేస్తున్న సినిమా కావడంతో ‘వృషకర్మ’పై ఇప్పటికే ఆసక్తి నెలకొంది. మరి తొలి సినిమాతో హిట్ కొట్టిన తర్వాత రెండో సినిమాతో వచ్చే ఈ సెంటిమెంట్ను కార్తీక్ దండు బ్రేక్ చేస్తారా? ‘వృషకర్మ’తో మరోసారి సక్సెస్ అందుకుంటారా? అనేది ఇప్పుడు ఆసక్తికరంగా మారింది.
