ఇండియన్ సినిమా కంటెంట్ ఇప్పుడు ప్రపంచవ్యాప్తంగా ఉన్న ప్రేక్షకులకు మరింత చేరువవుతోంది. ముఖ్యంగా భారీ బడ్జెట్ చిత్రాలతో పాటు యూనివర్సల్ అప్పీల్ ఉన్న కథలను ఎంచుకుంటూ మన స్టార్ హీరోలు గ్లోబల్ మార్కెట్పై దృష్టి పెడుతున్నారు. టాలీవుడ్ నుంచి ప్రభాస్, అల్లు అర్జున్, మహేష్ బాబు, ఎన్టీఆర్ వంటి హీరోలు తమ తదుపరి ప్రాజెక్టులతో అంతర్జాతీయ స్థాయిలో మరింత గుర్తింపు సాధించే దిశగా అడుగులు వేస్తున్నారు.
ప్రభాస్ ఇప్పటికే పాన్ ఇండియా స్థాయిని దాటి గ్లోబల్ మార్కెట్లో తనకంటూ ప్రత్యేక గుర్తింపు తెచ్చుకున్నారు. మరోవైపు అల్లు అర్జున్, మహేష్ బాబు, ఎన్టీఆర్ కూడా తమ తదుపరి సినిమాలతో మరింత విస్తృతమైన మార్కెట్ను టార్గెట్ చేస్తున్నారు. ‘కల్కి’, ‘వారణాసి’, ‘రాకా’, ‘డ్రాగన్’ వంటి ప్రాజెక్టులపై ప్రేక్షకుల్లో భారీ అంచనాలు నెలకొన్నాయి.
కన్నడ చిత్ర పరిశ్రమ నుంచి యష్ కూడా అంతర్జాతీయ స్థాయిలో తన మార్కెట్ను విస్తరించే ప్రయత్నాల్లో ఉన్నారు. ‘టాక్సిక్’ సినిమాతో ఆయన హాలీవుడ్ టెక్నీషియన్లతో కలిసి పనిచేస్తుండటంతో ఈ ప్రాజెక్టుపై కూడా దేశవ్యాప్తంగా ఆసక్తి నెలకొంది.
ఇక మెగా పవర్ స్టార్ రామ్ చరణ్ విషయానికి వస్తే.. ‘RRR’ సినిమాతో ఆయనకు గ్లోబల్ స్థాయిలో మంచి గుర్తింపు లభించింది. ఈ సినిమా అంతర్జాతీయ ప్రేక్షకులను కూడా ఆకట్టుకోవడంతో చరణ్కు ప్రపంచవ్యాప్తంగా ప్రత్యేకమైన క్రేజ్ ఏర్పడింది.
అయితే ప్రస్తుతం చరణ్ నుంచి అధికారికంగా అందుబాటులో ఉన్న తదుపరి ప్రాజెక్ట్ సుకుమార్ దర్శకత్వంలో తెరకెక్కనున్న సినిమా. దీంతో మిగతా స్టార్ హీరోలతో పోలిస్తే చరణ్ తదుపరి లైనప్పై అధికారిక సమాచారం తక్కువగా ఉందనే చర్చ అభిమానుల్లో కనిపిస్తోంది.
గ్లోబల్ మార్కెట్పై చరణ్ ఫోకస్ ఎప్పుడు?
‘RRR’ తర్వాత రామ్ చరణ్కు ఏర్పడిన గ్లోబల్ ఇమేజ్ను మరింత ముందుకు తీసుకెళ్లే ప్రాజెక్టుల కోసం అభిమానులు ఆసక్తిగా ఎదురుచూస్తున్నారు. కేవలం తెలుగు, ఇండియన్ మార్కెట్కే పరిమితం కాకుండా అంతర్జాతీయ స్థాయిలో తన క్రేజ్ను మరింత విస్తరించే కథలను చరణ్ ఎంచుకుంటారా అనేది ఆసక్తికరంగా మారింది.
ప్రస్తుతం సుకుమార్తో చరణ్ చేయనున్న సినిమా ఎలాంటి స్థాయిలో ఉండబోతుందనే దానిపై భారీ అంచనాలు ఉన్నాయి. ఈ ప్రాజెక్ట్ తర్వాత చరణ్ ఎలాంటి దర్శకులతో, ఎలాంటి కాన్సెప్ట్స్తో సినిమాలు చేయబోతారన్నది తెలియాలంటే మరికొంత కాలం వేచి చూడాల్సిందే.
