టాలీవుడ్ మెగాస్టార్ చిరంజీవి వరుస సినిమాలతో ఫుల్ బిజీగా ఉన్నారు. ప్రస్తుతం ‘విశ్వంభర’తో పాటు మెగా 158లో నటిస్తున్నారు. చిరంజీవి పుట్టినరోజు సందర్భంగా ఈ రెండు సినిమాల నుంచి అప్డేట్స్ వస్తాయని మెగా అభిమానులు ఆసక్తిగా ఎదురుచూశారు. వారి అంచనాలకు తగ్గట్టుగానే మెగా 158 టీమ్ అదిరిపోయే సర్ప్రైజ్ ఇచ్చింది.
చిరంజీవి బర్త్డే సందర్భంగా ఈ సినిమా గ్లింప్స్తో పాటు టైటిల్ను కూడా అధికారికంగా రివీల్ చేశారు. ఇంతకీ ఆ టైటిల్ ఏంటి? గ్లింప్స్లో చిరంజీవి ఎలా కనిపించారు? అనే విషయాల్లోకి వెళ్తే..
‘కాకా’ టైటిల్ ఫిక్స్
మెగాస్టార్ చిరంజీవి, దర్శకుడు బాబీ కాంబినేషన్లో తెరకెక్కుతున్న ఈ చిత్రంపై ఇప్పటికే భారీ అంచనాలు ఉన్నాయి. గతంలో వీరిద్దరి కాంబినేషన్లో వచ్చిన సినిమా మంచి విజయాన్ని అందుకోవడంతో ఈ ప్రాజెక్ట్పై మెగా ఫ్యాన్స్లో ఆసక్తి మరింత పెరిగింది.
తాజాగా చిరంజీవి పుట్టినరోజు సందర్భంగా విడుదలైన గ్లింప్స్తో సినిమాకు ‘కాకా’ అనే టైటిల్ను ఫిక్స్ చేసినట్లు మేకర్స్ ప్రకటించారు. ఇప్పటివరకు ఈ సినిమాకు ‘కదిరి’ అనే టైటిల్ పెడతారనే ప్రచారం జరిగింది. కానీ దర్శకుడు బాబీ మాత్రం అందుకు భిన్నంగా ‘కాకా’ అనే డిఫరెంట్ టైటిల్ను ఎంచుకున్నారు.
గ్లింప్స్ను చూస్తే రొయ్యల ఫామ్లో పనిచేసే హెడ్గా చిరంజీవి కనిపిస్తున్నట్టు తెలుస్తోంది. అందరితో సరదాగా ఉంటూ, తనదైన స్టైల్లో పనులు చక్కబెట్టే సత్యం అనే పాత్రలో మెగాస్టార్ కనిపించబోతున్నట్లు హింట్ ఇచ్చారు. ఈ క్యారెక్టర్ ఎలా ఉండబోతుందనే ఆసక్తిని గ్లింప్స్ మరింత పెంచుతోంది.
చిరంజీవి లుక్ అదుర్స్
ఈ గ్లింప్స్లో చిరంజీవి లుక్ ప్రత్యేక ఆకర్షణగా నిలిచింది. కళ్లజోడు పెట్టుకుని చాలా స్టైలిష్గా కనిపించిన మెగాస్టార్ను చూసి మెగా అభిమానులు ఫిదా అవుతున్నారు. గత చిత్రాలకు పూర్తి భిన్నంగా ఈ సినిమాలో చిరంజీవిని దర్శకుడు బాబీ కొత్త లుక్లో చూపిస్తున్నట్టు తెలుస్తోంది.
ముఖ్యంగా సత్యం పాత్రలో చిరంజీవి బాడీ లాంగ్వేజ్, ఆయన స్టైల్ సినిమాపై క్యూరియాసిటీ పెంచుతున్నాయి. గ్లింప్స్ విడుదలైన కొద్ది సమయంలోనే సోషల్ మీడియాలో వైరల్గా మారడంతో మెగా ఫ్యాన్స్ నుంచి భారీగా స్పందన వస్తోంది.
‘కాకా’ అనే టైటిల్ కూడా డిఫరెంట్గా ఉండటంతో సినిమా కథపై ఇప్పుడు ఆసక్తి మరింత పెరిగింది. అయితే గ్లింప్స్లో చూపించిన సత్యం పాత్రకు, సినిమా కథకు మధ్య ఉన్న అసలు లింక్ ఏంటి? చిరంజీవిని బాబీ ఏ తరహా పాత్రలో చూపించబోతున్నాడు? అన్నది తెలియాలంటే సినిమా విడుదల వరకు వేచి చూడాల్సిందే.
ఏదేమైనా మెగాస్టార్ బర్త్డే సందర్భంగా వచ్చిన ‘కాకా’ గ్లింప్స్ అభిమానులకు మంచి ట్రీట్ ఇచ్చిందనే చెప్పాలి. మరి చిరంజీవి, బాబీ కాంబినేషన్ మరోసారి బాక్సాఫీస్ వద్ద ఎలాంటి మ్యాజిక్ చేస్తుందో చూడాలి.
