ఎప్పుడెప్పుడా అని అభిమానులు ఎదురుచూస్తున్న ఎన్టీఆర్–త్రివిక్రమ్ కాంబినేషన్ మూవీ ‘గాడ్ ఆఫ్ వార్’ గురించి తాజాగా మరోసారి చర్చ మొదలైంది. ఇటీవల విడుదలైన పోస్టర్తో ఈ ప్రాజెక్ట్పై అభిమానుల్లో భారీ ఆసక్తి నెలకొంది. “ఇదే మాకు కావాల్సింది” అంటూ తారక్ అభిమానులు సోషల్ మీడియాలో సందడి చేస్తున్నారు.
ప్రస్తుతం ప్రశాంత్ నీల్ దర్శకత్వంలో తెరకెక్కుతున్న ‘డ్రాగన్’ చిత్రంతో బిజీగా ఉన్న ఎన్టీఆర్, ఆ సినిమా పూర్తయ్యాక త్రివిక్రమ్ దర్శకత్వంలో తెరకెక్కనున్న ఈ భారీ మైథాలజికల్ ప్రాజెక్ట్ను ప్రారంభించే అవకాశాలు ఉన్నట్లు సినీ వర్గాల్లో ప్రచారం జరుగుతోంది.
ఇదిలా ఉంటే, ఈ సినిమాలో హీరోయిన్గా ఎవరు నటిస్తారనే అంశంపై కూడా చర్చ నడుస్తోంది. తాజాగా సోషల్ మీడియాలో వినిపిస్తున్న కథనాల ప్రకారం, బాలీవుడ్ స్టార్ హీరోయిన్ కియారా అద్వానీ పేరు ప్రధానంగా వినిపిస్తోంది. అయితే దీనిపై చిత్రబృందం నుంచి ఇప్పటివరకు ఎలాంటి అధికారిక ప్రకటన రాలేదు.
కియారా ఇప్పటికే తెలుగు ప్రేక్షకులకు సుపరిచితమే. ఆమె రామ్ చరణ్తో ‘వినయ విధేయ రామ’, ‘గేమ్ చేంజర్’, అలాగే మహేష్ బాబుతో ‘భరత్ అనే నేను’ చిత్రాల్లో నటించింది. దీంతో ఎన్టీఆర్ సరసన కూడా ఆమె నటిస్తే కొత్త జోడీగా ప్రేక్షకులను ఆకట్టుకునే అవకాశం ఉందని అభిమానులు భావిస్తున్నారు.
అంతేకాదు, రామ్ చరణ్–సుకుమార్ కాంబినేషన్లో రానున్న సినిమాకి కూడా కియారా పేరు పరిశీలనలో ఉందనే ప్రచారం జరుగుతోంది. ఒకవేళ ఈ రెండు ప్రాజెక్టుల్లోనూ ఆమె ఫైనల్ అయితే, సౌత్తో పాటు నార్త్లో కూడా ఆ సినిమాలకు మరింత క్రేజ్ వచ్చే అవకాశం ఉందని సినీ విశ్లేషకులు అభిప్రాయపడుతున్నారు.
త్రివిక్రమ్ సినిమాల్లో హీరోయిన్ పాత్రలకు ప్రత్యేక ప్రాధాన్యం ఉంటుందనే విషయం తెలిసిందే. అలాంటి దర్శకుడి చేతుల్లో, భారీ మైథాలజికల్ కథలో కియారాకు అవకాశం దక్కితే ఆమె కెరీర్కు మరో పెద్ద మైలురాయిగా మారే అవకాశం ఉంది. అయితే ఈ వార్తల్లో ఎంతవరకు నిజం ఉందో తెలియాలంటే అధికారిక ప్రకటన వచ్చే వరకు వేచి చూడాల్సిందే.
ఇక ఎన్టీఆర్ ప్రస్తుతం ప్రశాంత్ నీల్ దర్శకత్వంలో రూపొందుతున్న ‘డ్రాగన్’ చిత్రీకరణలో పాల్గొంటున్నారు. పీరియాడిక్ యాక్షన్ ఎంటర్టైనర్గా రూపొందుతున్న ఈ చిత్రాన్ని ప్రపంచవ్యాప్తంగా జూన్ 11న విడుదల చేయనున్నట్లు మేకర్స్ ఇప్పటికే ప్రకటించారు.
కియారా అద్వానీ విషయానికి వస్తే, ఆమె అసలు పేరు ఆలియా అద్వానీ. 1991 జూలై 31న ముంబైలో జన్మించిన ఆమె, బాలీవుడ్లో ఇప్పటికే ఆలియా భట్ ఉండటంతో నటుడు సల్మాన్ ఖాన్ సూచన మేరకు తన పేరును కియారా అద్వానీగా మార్చుకున్నట్లు గతంలో వెల్లడించింది.
సినిమాల్లోకి రాకముందు కియారా ఓ ప్రీ-స్కూల్లో టీచర్గా కూడా పనిచేసింది. ఆ స్కూల్కు ఆమె తల్లి హెడ్మిస్ట్రెస్గా ఉండటం విశేషం.
2014లో వచ్చిన ‘ఫగ్లీ’ సినిమాతో కెరీర్ ప్రారంభించిన కియారా, ఆ చిత్రం ఆశించిన విజయం సాధించకపోయినా వెనక్కి తగ్గలేదు. అనంతరం ‘ఎం.ఎస్. ధోని: ది అన్టోల్డ్ స్టోరీ’, ‘భరత్ అనే నేను’, ‘కబీర్ సింగ్’, ‘షేర్షా’ వంటి విజయవంతమైన చిత్రాలతో స్టార్ హీరోయిన్గా ఎదిగింది. 2023లో బాలీవుడ్ నటుడు సిద్ధార్థ్ మల్హోత్రాను వివాహం చేసుకున్న ఆమె, ప్రస్తుతం యష్ హీరోగా తెరకెక్కుతున్న ‘టాక్సిక్’ చిత్రంలో కూడా నటిస్తోంది.
