మెగా ప్రిన్స్ వరుణ్ తేజ్ రీసెంట్గా ‘కొరియన్ కనకరాజు’ సినిమాతో మంచి విజయాన్ని అందుకున్నారు. ఈ సక్సెస్ ఇచ్చిన జోష్తో వరుణ్ తేజ్ తన తదుపరి ప్రాజెక్టులపై మరింత ఫోకస్ పెడుతున్నారు. ఈ క్రమంలో ప్రముఖ తమిళ దర్శకుడు కార్తీక్ సుబ్బరాజుతో కలిసి ఓ ఆసక్తికరమైన సినిమాకు సిద్ధమవుతున్నట్లు తెలుస్తోంది.
వరుణ్ తేజ్, కార్తీక్ సుబ్బరాజు కాంబినేషన్లో తెరకెక్కనున్న ఈ సినిమా ఓ డిఫరెంట్ లవ్ స్టోరీగా ఉండబోతుందట. ముఖ్యంగా తన వయసుకు తగ్గట్టుగా ఉండే ప్రేమకథను ఎంచుకున్నట్లు వరుణ్ తేజ్ స్వయంగా వెల్లడించారు. ఇప్పటివరకు కార్తీక్ సుబ్బరాజు తెరకెక్కించిన సినిమాలకు భిన్నంగా, ఈ కథ చాలా కొత్తగా, విభిన్నమైన కోణంలో సాగుతుందని ఆయన తెలిపారు.
వైవిధ్యమైన కథలు, విభిన్నమైన టేకింగ్తో తనకంటూ ప్రత్యేక గుర్తింపు తెచ్చుకున్న కార్తీక్ సుబ్బరాజు.. ఈసారి వరుణ్ తేజ్ను ఎలా చూపించబోతున్నారనేది ఆసక్తికరంగా మారింది. ఈ క్రేజీ కాంబినేషన్లో రాబోయే సినిమా ఎలాంటి మ్యాజిక్ చేస్తుందో చూడాలి.
