వెండితెరపై కథానాయిక అందంగా ఉండాలి.. ఆకర్షణీయంగా కనిపించాలి. దిష్టి చుక్క పెట్టని చందమామలా హీరోయిన్ కనిపిస్తే ఆడియన్స్కి కూడా చూడటానికి ఒక ప్రత్యేకమైన ఫీల్ వస్తుంది. తెరపై హీరో ఎంత హడావుడి చేసినా.. ఎంత యాక్షన్ చేసినా.. ఆడియన్స్కి కాస్త రిలీఫ్ ఇచ్చే పాత్ర హీరోయిన్దే అనడంలో ఎలాంటి సందేహం లేదు. అందుకే హీరోయిన్ అందంగా ఉండాలని ప్రేక్షకులు కోరుకోవడంలో తప్పేమీ లేదు.
అయితే అందంతో పాటు ఇండస్ట్రీలో ఎక్కువ కాలం నిలబడాలంటే సక్సెస్ కూడా చాలా ముఖ్యం. అభిమానుల మనసులు గెలుచుకోవడం.. వరుస అవకాశాలు అందుకోవడం.. వాటిని హిట్లుగా మలుచుకోవడం అంత ఈజీ కాదు. ముఖ్యంగా ఇప్పుడు ఉన్న కాంపిటీషన్లో ఒకటి రెండు ఫ్లాపులు పడితేనే పరిస్థితులు ఒక్కసారిగా మారిపోతున్నాయి.
ఒకప్పుడు హీరోయిన్లు ఏళ్ల తరబడి స్టార్ హీరోయిన్లుగా కొనసాగేవారు. కానీ ఇప్పుడు ట్రెండ్ పూర్తిగా మారిపోయింది. ఎంత గ్లామర్ ఉన్నా.. ఎంత టాలెంట్ ఉన్నా.. వరుసగా ఫ్లాపులు వస్తే అవకాశాలు తగ్గిపోతున్నాయి. దీంతో కొంతమంది హీరోయిన్లు మరో ఇండస్ట్రీ వైపు అడుగులు వేయాల్సిన పరిస్థితి వస్తోంది.
ఇందుకు కృతి శెట్టి కెరీర్నే ఒక ఉదాహరణగా చెప్పుకోవచ్చు. హీరోయిన్గా ఆమె ఎంట్రీ మామూలుగా లేదు. మొదటి సినిమాతోనే భారీ క్రేజ్ సంపాదించుకున్న కృతి శెట్టి.. ఆ తర్వాత వరుస విజయాలతో హ్యాట్రిక్ హిట్ అందుకుని ఒక్కసారిగా స్టార్ హీరోయిన్ రేంజ్కి వెళ్లిపోయింది. ఇక టాలీవుడ్లో ఆమె జోరు ఆపడం కష్టమే అనుకున్న సమయంలోనే వరుస పరాజయాలు పలకరించాయి. దాంతో క్రమంగా అవకాశాలు తగ్గిపోయి.. ఆమె తెలుగు తెరకు దూరమైంది.
అదే సమయంలో వరుస విజయాలతో దూసుకెళ్లిన శ్రీలీల పరిస్థితి కూడా కొంతకాలానికి మారిపోయింది. వరుస అవకాశాలతో టాప్ హీరోయిన్ రేసులోకి వచ్చిన ఆమెకు కూడా ఫ్లాపులు ఎదురయ్యాయి. దీంతో ఆమె జోరుకు బ్రేకులు పడ్డాయి.
ఇక తాజాగా విశాలమైన కళ్లతో.. తన గ్లామర్తో ఆడియన్స్ దృష్టిని ఆకర్షించిన భాగ్యశ్రీ బోర్సే కూడా ఇదే తరహాలో అందరి దృష్టిని తనవైపు తిప్పుకుంది. ఆమె గ్లామర్కు ఫిదా అయిన కుర్రాళ్లు పెద్ద సంఖ్యలో అభిమానులుగా మారిపోయారు. కానీ ఆమెకు కూడా సక్సెస్ మాత్రం అంత ఈజీగా దక్కలేదు.
అవకాశాలు వస్తున్నా.. సరైన విజయాలు మాత్రం ఆమె కెరీర్కు బలమైన బూస్ట్ ఇవ్వలేకపోయాయి. దీంతో ఇతర భాషల్లో కూడా తన అదృష్టాన్ని పరీక్షించుకునే దిశగా అడుగులు వేయాల్సి వస్తోంది.
మొత్తానికి.. హీరోయిన్లకు అందం, టాలెంట్ ఎంత ఉన్నా.. ఇండస్ట్రీలో ఎక్కువ కాలం కొనసాగాలంటే సక్సెస్ అనేది కీలకమైన అంశంగా మారిపోయింది. ఒక హిట్ కెరీర్ను ఎక్కడికో తీసుకెళ్తే.. వరుస ఫ్లాపులు అదే కెరీర్ను ఒక్కసారిగా వెనక్కి లాగేస్తున్నాయి. అందుకే ఇప్పుడు హీరోయిన్లకు గ్లామర్ కంటే.. సక్సెస్ కూడా అంతే ముఖ్యం అయిపోయిందని చెప్పుకోవచ్చు.
