విక్టరీ వెంకటేశ్, దర్శకుడు అనిల్ రావిపూడి కాంబినేషన్కు టాలీవుడ్లో మంచి క్రేజ్ ఉంది. ఇప్పటికే వీరి కాంబోలో వచ్చిన ‘ఎఫ్ 2’, ‘ఎఫ్ 3’, ‘సంక్రాంతికి వస్తున్నాం’ సినిమాలు ప్రేక్షకులను అలరించడమే కాకుండా బాక్సాఫీస్ వద్ద భారీ విజయాలను అందుకున్నాయి. ఇప్పుడు ఈ సక్సెస్ఫుల్ కాంబినేషన్ మరోసారి ప్రేక్షకుల ముందుకు రాబోతోంది. దీంతో ఈ సినిమాపై అంచనాలు మరింత పెరిగాయి.
తాజాగా ఈ సినిమాకు సంబంధించిన వెంకటేశ్ ఫస్ట్ లుక్ను చిత్రబృందం విడుదల చేసింది. వెంకటేశ్ సినీ ప్రయాణం 40 ఏళ్లు పూర్తి చేసుకున్న సందర్భంగా దర్శకుడు అనిల్ రావిపూడి ఈ స్పెషల్ పోస్టర్ను సోషల్ మీడియా వేదికగా షేర్ చేశారు. ఇందులో వెంకటేశ్ను ‘లెఫ్టినెంట్ కల్నల్ వెంకట్ రెడ్డి’గా పరిచయం చేశారు.
ఈ సినిమాలో వెంకటేశ్ ఒక పవర్ఫుల్ ఆర్మీ ఆఫీసర్ పాత్రలో కనిపించనున్నారు. ఇండియన్ ఆర్మీలో కౌంటర్ టెర్రరిజం, హోస్టేజ్ నెగోషియేషన్ వంటి విభాగాల్లో ప్రత్యేక నైపుణ్యం ఉన్న అధికారిగా ఆయన పాత్రను డిజైన్ చేసినట్లు తెలుస్తోంది. దీంతో ఈ క్యారెక్టర్ సినిమాకు కీలకంగా మారనుంది.
ఇక పోస్టర్లో వెంకటేశ్ ఆర్మీ కమేఫ్లేజ్ యూనిఫామ్, బ్లాక్ కంబాట్ షూస్, సన్గ్లాసెస్తో ఎంతో స్టైలిష్గా, ఇంటెన్స్ లుక్లో కనిపిస్తున్నారు. భారీ బ్లాక్ మెర్సిడెస్ బెంజ్ కారు బంపర్పై కాలు పెట్టి, వాచ్ సరిచేసుకుంటూ కనిపించిన వెంకీ లుక్ ఫ్యాన్స్ను విపరీతంగా ఆకట్టుకుంటోంది.
అంతేకాదు.. పోస్టర్ బ్యాక్డ్రాప్లో యుద్ధ వాతావరణాన్ని తలపించేలా మేఘావృతమైన ఆకాశం, మిలిటరీ హెలికాప్టర్లు కనిపించడం సినిమాపై మరింత ఆసక్తిని పెంచుతోంది. వెంకటేశ్ను ఇంత పవర్ఫుల్ ఆర్మీ ఆఫీసర్ పాత్రలో చూడటం ఇదే సినిమాకు ప్రధాన ఆకర్షణగా మారనుంది.
ఈ చిత్రాన్ని షైన్ స్క్రీన్స్, జీ స్టూడియోస్ బ్యానర్లపై సాహు గారపాటి భారీ బడ్జెట్తో నిర్మిస్తున్నారు. టాలెంటెడ్ మ్యూజిక్ డైరెక్టర్ జీవీ ప్రకాష్ కుమార్ సంగీతం అందిస్తున్నారు. మరోవైపు నందమూరి హీరో కళ్యాణ్ రామ్ కూడా ఈ సినిమాలో కీలక పాత్రలో నటిస్తున్నట్లు సమాచారం.
వెంకటేశ్–అనిల్ రావిపూడి సక్సెస్ఫుల్ కాంబినేషన్కు తోడు.. పవర్ఫుల్ ఆర్మీ బ్యాక్డ్రాప్, కళ్యాణ్ రామ్ కీలక పాత్ర, భారీ నిర్మాణ విలువలు ఉండటంతో ఈ సినిమాపై ఇప్పటి నుంచే భారీ అంచనాలు నెలకొన్నాయి.
