టాలీవుడ్లో అత్యంత ఆసక్తిగా ఎదురుచూస్తున్న పాన్-ఇండియా చిత్రాల్లో నాచురల్ స్టార్ నాని నటిస్తున్న ‘ది ప్యారడైజ్’ ఒకటి. దర్శకుడు శ్రీకాంత్ ఓదెలతో నాని చేస్తున్న రెండో సినిమా కావడంతో ఈ ప్రాజెక్ట్పై భారీ అంచనాలు నెలకొన్నాయి. ప్రస్తుతం ఈ చిత్రం షూటింగ్ తుది దశకు చేరుకున్నట్లు సమాచారం.
ఇదిలా ఉండగా, ఈ సినిమాకు సంబంధించిన ఓ ఆసక్తికరమైన అప్డేట్ అభిమానుల్లో మరింత హైప్ పెంచుతోంది. చిత్రంలోని పాటకు సాహిత్యం అందించిన ప్రముఖ గేయరచయిత కాసర్ల శ్యామ్ సోషల్ మీడియాలో చేసిన వ్యాఖ్యలు ఇప్పుడు వైరల్గా మారాయి.
“ప్యారడైజ్ క్లైమాక్స్… ఆపుకోలేక చెబుతున్నా. నా మాట గుర్తుంచుకోండి!” అంటూ ఆయన చేసిన పోస్ట్ అభిమానుల్లో ఆసక్తిని రెట్టింపు చేసింది. ఆయన వ్యాఖ్యలను బట్టి చూస్తే, సినిమా క్లైమాక్స్ ప్రేక్షకులను ఆశ్చర్యానికి గురిచేసేలా ఉండబోతుందనే చర్చ జోరుగా సాగుతోంది.
అంతేకాకుండా, క్లైమాక్స్ చిత్రీకరణ కూడా పూర్తయిందని సినీ వర్గాల్లో ప్రచారం జరుగుతోంది. దీంతో పోస్ట్ ప్రొడక్షన్ పనులు మరింత వేగంగా సాగనున్నాయని తెలుస్తోంది.
ఈ చిత్రంలో నాని సరసన కయాదు లోహర్ కథానాయికగా నటిస్తుండగా, సంగీత సంచలనం అనిరుధ్ రవిచందర్ సంగీతాన్ని అందిస్తున్నారు. ఎస్ఎల్వీ సినిమాస్ అత్యంత ప్రతిష్టాత్మకంగా నిర్మిస్తున్న ఈ పాన్-ఇండియా చిత్రంపై ప్రేక్షకుల్లో భారీ అంచనాలు ఉన్నాయి. అయితే, క్లైమాక్స్కు సంబంధించిన వివరాలపై చిత్రబృందం నుంచి ఇంకా అధికారిక ప్రకటన వెలువడలేదు.
