పాన్ ఇండియా స్టార్ ప్రభాస్ హీరోగా, సెన్సేషనల్ డైరెక్టర్ సందీప్ రెడ్డి వంగా దర్శకత్వంలో తెరకెక్కుతున్న భారీ చిత్రం ‘స్పిరిట్’. ఈ సినిమా అనౌన్స్మెంట్ వచ్చినప్పటి నుంచే దేశవ్యాప్తంగా భారీ అంచనాలు ఏర్పడ్డాయి.
ఇక తాజాగా ఈ సినిమాకు సంబంధించిన ఓ ఆసక్తికరమైన వార్త సినీ వర్గాల్లో వైరల్ అవుతోంది. ‘స్పిరిట్’లో వచ్చే ప్రీ-క్లైమాక్స్ సీక్వెన్స్ సినిమాకే అతిపెద్ద హైలైట్గా నిలవబోతుందని టాక్ వినిపిస్తోంది. ముఖ్యంగా ప్రీ-క్లైమాక్స్లో వచ్చే ట్విస్ట్ ప్రేక్షకులను ఒక్కసారిగా థ్రిల్ చేసేలా ఉంటుందని సమాచారం.
అంతేకాదు.. క్లైమాక్స్ కూడా ఊహించని స్థాయిలో ఉండబోతుందని, ప్రభాస్ కెరీర్లోనే ఈ సీక్వెన్స్ ప్రత్యేకంగా గుర్తుండిపోయేలా సందీప్ రెడ్డి వంగా ప్లాన్ చేస్తున్నారనే ప్రచారం జరుగుతోంది.
పవర్ఫుల్ కాప్గా ప్రభాస్!
‘స్పిరిట్’లో ప్రభాస్ ఒక పవర్ఫుల్ పోలీస్ ఆఫీసర్ పాత్రలో కనిపించబోతున్నట్లు ఇప్పటికే ప్రచారం జరుగుతోంది. సందీప్ రెడ్డి వంగా తనదైన స్టైల్లో ఈ పోలీస్ క్యారెక్టర్ను చాలా వైల్డ్గా, ఇంటెన్స్గా డిజైన్ చేసినట్లు తెలుస్తోంది.
ఈ సినిమాలో త్రిప్తి డిమ్రి హీరోయిన్గా నటిస్తోంది. కథలోని ఫ్లాష్బ్యాక్ ఎపిసోడ్లో ప్రభాస్ మరింత వైల్డ్ అండ్ మాస్ అవతార్లో కనిపించబోతున్నాడనే వార్తలు అభిమానుల్లో ఆసక్తిని పెంచుతున్నాయి.
సందీప్ వంగా నుంచి మరో కొత్త కథ!
‘స్పిరిట్’ కథాంశం కూడా చాలా కొత్తగా ఉండబోతుందని టాక్ వినిపిస్తోంది. సాధారణ పోలీస్ స్టోరీలా కాకుండా.. యాక్షన్, ఎమోషన్, డ్రామాతో పాటు సందీప్ రెడ్డి వంగా మార్క్ ఇంటెన్సిటీని కలిపి ఈ సినిమాను తెరకెక్కించబోతున్నట్లు సమాచారం.
ఈ చిత్రాన్ని టీ-సిరీస్, భద్రకాళి పిక్చర్స్ సంయుక్తంగా భారీ స్థాయిలో నిర్మించనున్నాయి.
మొత్తానికి ప్రభాస్–సందీప్ రెడ్డి వంగా కాంబినేషన్లో వస్తున్న ‘స్పిరిట్’పై అంచనాలు రోజురోజుకూ పెరుగుతున్నాయి. ముఖ్యంగా ప్రీ-క్లైమాక్స్ ట్విస్ట్, భారీ క్లైమాక్స్ నిజంగానే ఈ స్థాయిలో ఉంటే.. ప్రభాస్ అభిమానులకు థియేటర్లలో మాస్ ట్రీట్ ఖాయమని చెప్పొచ్చు.
