దర్శకధీరుడు ఎస్ఎస్ రాజమౌళి, సూపర్ స్టార్ మహేష్ బాబు కాంబినేషన్లో తెరకెక్కుతున్న ప్రతిష్టాత్మక చిత్రం ‘వారణాసి’. ఈ సినిమాపై ఇప్పటికే దేశవ్యాప్తంగా భారీ అంచనాలు నెలకొన్నాయి. ముఖ్యంగా మహేష్ అభిమానులు మూవీకి సంబంధించిన ప్రతి అప్డేట్ కోసం ఎంతో ఆసక్తిగా ఎదురుచూస్తున్నారు.
ఇక ఈ సినిమాకు సంబంధించి తాజాగా మరో ఆసక్తికరమైన వార్త సినీ వర్గాల్లో చక్కర్లు కొడుతోంది. బాలీవుడ్ నటుడు మనోజ్ బాజ్పాయ్ ‘వారణాసి’లో కీలక పాత్రలో నటిస్తున్నట్లు ప్రచారం జరుగుతోంది. అంతేకాదు, ఆయన పాత్ర నెగిటివ్ షేడ్స్తో ఉండబోతుందనే టాక్ కూడా వినిపిస్తోంది.
భారీ స్థాయిలో ‘వారణాసి’ క్లైమాక్స్?
‘వారణాసి’ సినిమాకు క్లైమాక్స్ ప్రధాన హైలైట్గా నిలవబోతుందనే వార్తలు వినిపిస్తున్నాయి. రాజమౌళి ఈ చిత్రాన్ని భారీ అడ్వెంచర్, ఎమోషన్, విజువల్ ఎఫెక్ట్స్తో రూపొందిస్తున్న నేపథ్యంలో.. కథలోని కీలక అంశాలన్నీ క్లైమాక్స్లో పీక్కు చేరుకునేలా ప్లాన్ చేస్తున్నారట.
భారతీయ సినిమా చరిత్రలోనే అత్యంత భారీ స్థాయిలో క్లైమాక్స్ సన్నివేశాలను తెరకెక్కించేందుకు మేకర్స్ భారీగా ప్లాన్ చేస్తున్నట్లు సమాచారం. ముఖ్యంగా యాక్షన్, ఎమోషన్, అడ్వెంచర్తో పాటు విజువల్ ఎఫెక్ట్స్ ఈ సీక్వెన్స్లో ప్రేక్షకులకు భారీ థియేట్రికల్ ఎక్స్పీరియన్స్ అందించేలా ఉండబోతున్నాయనే టాక్ వినిపిస్తోంది.
మహేష్ డ్యూయల్ రోల్లో?
ఈ సినిమాలో ప్రియాంక చోప్రా మందాకినిగా కనిపించబోతుండగా.. మహేష్ బాబు ‘రుద్ర’ పాత్రలో కనిపించనున్నట్లు ఇప్పటికే ప్రచారం జరుగుతోంది. అలాగే శ్రీరాముడిగా కూడా మహేష్ ద్విపాత్రాభినయం చేస్తున్నారనే వార్తలు అభిమానుల్లో ఆసక్తిని మరింత పెంచుతున్నాయి.
ఈ పాత్రల చుట్టూ తిరిగే కథ, పౌరాణిక అంశాలు, అడ్వెంచర్ నేపథ్యం.. రాజమౌళి టేకింగ్తో ఏ స్థాయిలో ఉంటాయనే దానిపై ప్రేక్షకుల్లో భారీ అంచనాలు ఉన్నాయి.
రూ.1300 కోట్లకు పైగా బడ్జెట్?
‘వారణాసి’ని సుమారు రూ.1300 కోట్లకు పైగా భారీ బడ్జెట్తో రూపొందిస్తున్నట్లు సమాచారం. ఈ ప్రాజెక్ట్ను కె.ఎల్. నారాయణ, ఎస్.ఎస్. కార్తికేయ నిర్మిస్తున్నారు.
ఇప్పటికే విడుదలైన టీజర్కు దేశవ్యాప్తంగా మంచి స్పందన లభించింది. సినిమా విజువల్స్, మహేష్ లుక్, రాజమౌళి మార్క్ టేకింగ్పై ప్రేక్షకుల్లో భారీ ఆసక్తి ఏర్పడింది.
ఈ చిత్రానికి ఎం.ఎం. కీరవాణి సంగీతం అందిస్తుండగా.. కథ, కథనాన్ని విజయేంద్ర ప్రసాద్ రూపొందిస్తున్నారు. దేవా కట్టా సంభాషణలు అందిస్తున్నట్లు సమాచారం.
మొత్తానికి మహేష్ బాబు, రాజమౌళి కాంబినేషన్లో వస్తున్న ‘వారణాసి’పై అంచనాలు రోజురోజుకూ పెరుగుతున్నాయి. ముఖ్యంగా క్లైమాక్స్ను అత్యంత భారీ స్థాయిలో తెరకెక్కిస్తున్నారనే వార్త నిజమైతే.. ఈ సినిమా విడుదల సమయంలో థియేటర్లలో ఎలాంటి విజువల్ ట్రీట్ ఇవ్వబోతుందో చూడాలి.
