టాలీవుడ్లో బిగ్గెస్ట్ బాక్సాఫీస్ క్లాష్ అంటే ముందుగా గుర్తొచ్చేది సంక్రాంతి సీజన్. ప్రతి ఏడాది ఈ పండుగకు భారీ సినిమాలు బరిలోకి దిగుతుండటంతో.. వాటి మధ్య పోటీ ఇండస్ట్రీలో హాట్ టాపిక్గా మారుతుంటుంది. ముఖ్యంగా గత కొన్నేళ్లుగా సంక్రాంతి సినిమాల క్లాష్ మరింత ఆసక్తిని పెంచుతోంది.
ఇక ఈ సంక్రాంతి రేస్లో యంగ్ డైరెక్టర్ ప్రశాంత్ వర్మ పేరు కూడా ప్రత్యేకంగా వినిపిస్తోంది. 2024 సంక్రాంతికి ‘హను-మాన్’ సినిమాతో ప్రేక్షకుల ముందుకు వచ్చిన ప్రశాంత్ వర్మ.. ఎలాంటి భారీ అంచనాలు లేకుండా సంచలన విజయాన్ని అందుకున్నారు. ఆ సినిమాతో తన సినిమాటిక్ యూనివర్స్పై కూడా ఆసక్తిని పెంచారు.
ఇప్పుడు మరోసారి సంక్రాంతి సీజన్పై ప్రశాంత్ వర్మ కన్నేసినట్లు తెలుస్తోంది. ఆయన సినిమాటిక్ యూనివర్స్లో భాగంగా రూపొందుతున్న లేడీ సూపర్ హీరో మూవీ ‘మహాకాళీ’ని 2027 సంక్రాంతి బరిలో విడుదల చేసేందుకు మేకర్స్ ప్లాన్ చేస్తున్నట్లు సమాచారం.
ప్రశాంత్ వర్మ క్రియేట్ చేసిన కథతో తెరకెక్కుతున్న ఈ చిత్రానికి కొల్లూరు పూజా అపర్ణ దర్శకత్వం వహిస్తున్నారు. లేడీ సూపర్ హీరో కాన్సెప్ట్తో వస్తున్న ఈ సినిమాపై ఇప్పటికే ఆసక్తి నెలకొంది.
మరి ‘హను-మాన్’తో సంక్రాంతి సీజన్లో సంచలనం సృష్టించిన ప్రశాంత్ వర్మ.. ‘మహాకాళీ’తో మరోసారి అదే మ్యాజిక్ను రిపీట్ చేస్తారా? అనేది ఇప్పుడు ఆసక్తికరంగా మారింది.
