నందమూరి బాలకృష్ణ ప్రస్తుతం కెరీర్ పరంగా స్వర్ణయుగాన్ని అనుభవిస్తున్నారు. ఇటీవల ‘అఖండ 2’తో భారీ విజయాన్ని అందుకున్న ఆయన, ప్రస్తుతం గోపీచంద్ మలినేని దర్శకత్వంలో తన 111వ చిత్రం (NBK111) పనుల్లో నిమగ్నమై ఉన్నారు. వెండితెరపై మాస్ యాక్షన్ అదరగొడుతూనే, మరోవైపు కమర్షియల్ యాడ్స్ మరియు బ్రాండ్ ఎండార్స్మెంట్లలో కూడా బాలయ్య తనదైన ముద్ర వేస్తున్నారు.
తాజాగా బాలకృష్ణ ప్రముఖ రియల్ ఎస్టేట్ సంస్థ ‘అన్విత గ్రూప్’ కు బ్రాండ్ అంబాసిడర్గా బాధ్యతలు చేపట్టారు. దీనికి సంబంధించిన బ్రాండ్ ఫిల్మ్ను హైదరాబాద్లో ఘనంగా ఆవిష్కరించారు. ఐదు దశాబ్దాల సినీ ప్రస్థానం, బసవతారకం క్యాన్సర్ ఆస్పత్రి ద్వారా ఆయన అందిస్తున్న సేవలు సమాజానికి స్ఫూర్తిదాయకమని, అందుకే ఆయన్ని తమ సంస్థ ప్రతినిధిగా ఎంచుకున్నామని అన్విత గ్రూప్ ఎండీ అచ్యుతరావు బొప్పన పేర్కొన్నారు.
అన్విత గ్రూప్ ‘బిల్డ్ హ్యాపీనెస్’ అనే నినాదంతో హైదరాబాద్లో దాదాపు 80 లక్షల చదరపు అడుగుల మేర భారీ నిర్మాణ ప్రాజెక్టులను చేపడుతోంది. బాలయ్య నిబద్ధత, ఆయనకున్న ప్రజాదరణ తమ సంస్థ విలువలను ప్రజల్లోకి బలంగా తీసుకెళ్తాయని యాజమాన్యం ధీమా వ్యక్తం చేసింది. సినిమాలతో పాటు బ్రాండ్ అంబాసిడర్గా బాలయ్య చూపిస్తున్న ఈ జోరు చూసి నందమూరి అభిమానులు ఖుషీ అవుతున్నారు.
