టాలీవుడ్ స్టార్ ప్రభాస్ హీరోగా, హను రాఘవపూడి దర్శకత్వంలో మైత్రి మూవీ మేకర్స్ నిర్మిస్తున్న భారీ పాన్-ఇండియా ప్రాజెక్ట్ టైటిల్ విషయంలో కొత్త చర్చ మొదలైంది. ఈ పీరియాడికల్ యాక్షన్ ఎంటర్టైనర్కు మొదట ‘ఫౌజి’ అనే పేరును పరిశీలిస్తున్నట్లు ప్రచారం జరిగింది. అయితే, ఇటీవల దర్శకుడు హను రాఘవపూడి చేసిన వ్యాఖ్యలు ఈ టైటిల్పై అభిమానుల్లో సందేహాలు రేకెత్తించాయి. ‘డ్యూడ్’ సినిమా ఈవెంట్కు అతిథిగా హాజరైన ఆయన, “ప్రభాస్ సినిమా టైటిల్ అదే ఉంటుందా లేదా అనేది ఈ నెలలోనే ఖరారవుతుంది” అని చెప్పడంతో, ‘ఫౌజి’ ఫైనల్ అయినట్లు భావించిన వర్గాలు ఒక్కసారిగా ఆందోళన చెందాయి.
పవన్ కళ్యాణ్ నటించిన ‘ఓజి’ చిత్రం ఇటీవల విడుదలై భారీ హైప్ సొంతం చేసుకున్న నేపథ్యంలో, ‘ఫౌజి’ అనే టైటిల్ సౌండింగ్ కూడా దానికి దగ్గరగా ఉండడంతో మేకర్స్ మరోసారి ఆలోచనలో పడినట్లు సమాచారం. ఈ విషయం ప్రభాస్ అభిమానుల్లో కొంత గందరగోళాన్ని సృష్టించింది. అక్టోబర్ 23న ప్రభాస్ పుట్టినరోజు సందర్భంగా టైటిల్తో కూడిన ఫస్ట్ లుక్ పోస్టర్ను విడుదల చేయాలని యూనిట్ భావిస్తున్నప్పటికీ, చివరి క్షణంలో టైటిల్ మారే అవకాశాన్ని హను వ్యాఖ్యలు సూచిస్తున్నాయి. దీంతో మేకర్స్ కొత్త పేర్ల కోసం పరిశీలన చేపట్టినట్లు తెలుస్తోంది.
ఈ భారీ చిత్రంలో యంగ్ హీరోయిన్ ఇమాన్వి కథానాయికగా నటిస్తుండగా, అనుపమ్ ఖేర్ సహా పలువురు ప్రముఖులు కీలక పాత్రల్లో కనిపించనున్నారు. విశాల్ చంద్రశేఖర్ సంగీతం అందిస్తున్న ఈ ప్రాజెక్ట్ను 2026 ఆగస్టులో విడుదల చేసే విధంగా ప్లాన్ ఫైనల్ అయ్యింది. ‘కల్కి 2898 AD’ బ్లాక్బస్టర్ విజయానంతరం ప్రభాస్ గ్రాఫ్ మరింత ఎగబాకగా, ఈ సినిమా ఆయన కెరీర్లో మరొక మైలురాయిగా నిలిచేలా భారీ సెట్లు, యుద్ధ సన్నివేశాలు, భావోద్వేగాలతో నిండిన కథతో రూపొందిస్తున్నారని యూనిట్ వర్గాలు చెబుతున్నాయి.
