నాచురల్ స్టార్ నాని హీరోగా, కయాదు లోహర్ హీరోయిన్గా, యువ దర్శకుడు శ్రీకాంత్ ఓదెల తెరకెక్కిస్తున్న భారీ పాన్ ఇండియా చిత్రం ‘ది ప్యారడైజ్’ ప్రకటించిన నాటి నుంచే ప్రేక్షకుల్లో విపరీతమైన అంచనాలు నెలకొన్నాయి. అయితే ఇప్పుడు అదే సినిమా గురించి అభిమానుల్లో కొత్త సందేహాలు మొదలయ్యాయి. మొదట్లో ఉన్న హైప్ను ఈ చిత్రమే క్రమంగా తగ్గించుకుంటోందనే అభిప్రాయాలు వ్యక్తమవుతున్నాయి.
దానికి ప్రధాన కారణం సినిమా షూటింగ్ నిరంతరం ఆలస్యం అవుతుండడమే. మొదట అనుకున్న షెడ్యూల్ ప్రకారం ఈ చిత్రం పూర్తవుతుందని అందరూ భావించారు. కానీ ఇప్పటికీ షూటింగ్ పూర్తి కాకపోవడం నాని అభిమానులను ఆశ్చర్యానికి గురిచేస్తోంది. ముఖ్యంగా ఈ సినిమా తప్ప నాని, దర్శకుడు శ్రీకాంత్ ఓదెల లేదా ఇతర కీలక నటీనటులు మరో ప్రాజెక్ట్కు కమిట్ కాలేదనే సమాచారం ఉండటంతో, ఇంత ఆలస్యం ఎందుకు జరుగుతోందనే ప్రశ్నలు మరింత ఎక్కువయ్యాయి.
ఇదిలా ఉంటే, తాజాగా వినిపిస్తున్న రూమర్స్ ప్రకారం ఈ చిత్రానికి ఇంకా రెండు నెలలకుపైగా షూటింగ్ బ్యాలెన్స్ ఉందట. దీంతో సోషల్ మీడియాలో పలు ఊహాగానాలు మొదలయ్యాయి. ఇంత కాలంగా షూటింగ్ జరుగుతుండటంతో సినిమా రెండు భాగాలుగా తెరకెక్కుతుందా? ఇప్పటికే గంటల కొద్దీ ఫుటేజ్ సిద్ధమైందా? అనే చర్చలు జోరుగా సాగుతున్నాయి.
అంతేకాదు, గ్రాండ్ స్కేల్లో రూపొందుతున్న ఈ చిత్రానికి సీక్వెల్కు అవకాశం కూడా ఉండొచ్చనే అభిప్రాయాలు వినిపిస్తున్నాయి. అయితే ఇవన్నీ ప్రస్తుతం కేవలం రూమర్స్ మాత్రమే. ఈ వార్తల్లో ఎంతవరకు నిజం ఉందో తెలియాలంటే చిత్ర బృందమే అధికారికంగా స్పందించాల్సి ఉంది.
మరి ‘ది ప్యారడైజ్’ షూటింగ్ ఆలస్యంపై, రెండు భాగాల ప్రచారంపై, విడుదల తేదీకి సంబంధించిన రూమర్స్పై మేకర్స్ ఎప్పుడు క్లారిటీ ఇస్తారో వేచి చూడాలి. అభిమానులు మాత్రం ఈ భారీ ప్రాజెక్ట్ నుంచి అధికారిక అప్డేట్ కోసం ఆసక్తిగా ఎదురుచూస్తున్నారు.
