హారర్ కామెడీ అభిమానులకు గూస్బంప్స్ తెప్పించే క్రేజీ అప్డేట్ వచ్చేసింది! టాలీవుడ్, కోలీవుడ్ అనే తేడా లేకుండా సౌత్ ఇండియాలో హారర్ కామెడీ జానర్కు కొత్త నిర్వచనం ఇచ్చిన ‘కాంచన’ ఫ్రాంచైజీ ఇప్పుడు నాలుగో భాగంతో మరోసారి ప్రేక్షకుల ముందుకు రాబోతోందనే వార్తలు సినీ వర్గాల్లో హాట్ టాపిక్గా మారాయి.
రాఘవ లారెన్స్ దర్శకత్వంలో, ఆయనే హీరోగా తెరకెక్కిన ‘ముని’, ‘కాంచన’ సిరీస్ చిత్రాలు బాక్సాఫీస్ వద్ద సంచలన విజయాలు నమోదు చేశాయి. థియేటర్లలో కాసుల వర్షం కురిపించడమే కాదు, టీవీల్లో ప్రసారమైన ప్రతిసారీ భారీ టీఆర్పీలు సాధిస్తూ ప్రేక్షకులను ఇప్పటికీ అలరిస్తూనే ఉన్నాయి. ఇప్పుడు అదే ఫ్రాంచైజీ నుంచి రాబోతున్న ‘కాంచన 4’పై భారీ అంచనాలు నెలకొన్నాయి.
ఫ్లాష్బ్యాక్లో లేడీ సూపర్స్టార్ ఎంట్రీ?
‘కాంచన’ సిరీస్లో ఫ్లాష్బ్యాక్ ఎపిసోడ్లు ఎంత కీలకమో ప్రత్యేకంగా చెప్పాల్సిన పనిలేదు. ఎమోషన్, భయం, ప్రతీకారం కలిసిన ఆ ఎపిసోడ్లే సినిమాలకు ప్రధాన బలంగా నిలిచాయి. అయితే ఈసారి ఆ ఫ్లాష్బ్యాక్ ట్రాక్ను మరింత భారీగా ప్లాన్ చేస్తున్నారట.
ఫిలింనగర్, కోలీవుడ్ వర్గాల్లో వినిపిస్తున్న సమాచారం ప్రకారం, లేడీ సూపర్స్టార్ నయనతార ఈ సినిమాలో అత్యంత కీలకమైన పవర్ఫుల్ పాత్రలో కనిపించనున్నారట. కథను పూర్తిగా మలుపు తిప్పే బ్యాక్స్టోరీలో ఆమె పాత్ర ఉండబోతుందని, ఈ క్యారెక్టర్ సినిమాకే హైలైట్గా నిలుస్తుందని టాక్ నడుస్తోంది.
నయనతార వంటి స్టార్ ఈ హారర్ యూనివర్స్లో అడుగుపెడుతుండటంతో అభిమానుల్లో అంచనాలు ఒక్కసారిగా పెరిగిపోయాయి.
పూజా హెగ్డే, నర్గిస్ ఫక్రీ కూడా రంగంలోకి?
నయనతారతో పాటు ఈ సినిమాలో మరో ఇద్దరు స్టార్ హీరోయిన్లు కూడా కనిపించనున్నారనే వార్తలు వైరల్ అవుతున్నాయి. టాలీవుడ్ బుట్టబొమ్మ పూజా హెగ్డే మెయిన్ హీరోయిన్గా నటించనున్నట్లు సమాచారం. కేవలం గ్లామర్కే పరిమితం కాకుండా, కథలో కీలక పాత్రతో పాటు లారెన్స్తో కలిసి హారర్ కామెడీ పండించే పాత్రను ఆమె పోషించనున్నట్లు తెలుస్తోంది.
అంతేకాదు, బాలీవుడ్ నటి నర్గిస్ ఫక్రీ కూడా మరో ముఖ్యమైన పాత్రలో కనిపించనున్నారట. హిందీ మార్కెట్లో కూడా సినిమాపై భారీ బజ్ క్రియేట్ చేయాలనే ఉద్దేశంతోనే ఆమెను ఎంపిక చేశారని ట్రేడ్ వర్గాలు చెబుతున్నాయి.
మునుపటి రికార్డులు బద్దలు కావడం ఖాయమేనా?
నయనతార పవర్ఫుల్ ప్రెజెన్స్, పూజా హెగ్డే గ్లామర్, నర్గిస్ ఫక్రీ ఎంట్రీ… ఇవన్నీ లారెన్స్ మార్క్ హారర్, కామెడీ ఎలిమెంట్స్తో కలిస్తే ‘కాంచన 4’కు భారీ ఓపెనింగ్స్ రావడం ఖాయమనే అభిప్రాయం వ్యక్తమవుతోంది.
ఇప్పటికే ఈ ఫ్రాంచైజీకి దేశవ్యాప్తంగా ప్రత్యేకమైన ఫ్యాన్ బేస్ ఉంది. ఈసారి మరింత భారీ బడ్జెట్, స్టార్ కాస్టింగ్తో వస్తే గ్లోబల్ స్థాయిలో కొత్త మార్కెట్ను క్రియేట్ చేసే అవకాశాలు ఉన్నాయని సినీ విశ్లేషకులు భావిస్తున్నారు.
ప్రస్తుతం ఈ చిత్రానికి సంబంధించిన ప్రీ-ప్రొడక్షన్ పనులు సైలెంట్గా జరుగుతున్నాయని సమాచారం. అయితే, చిత్రబృందం నుంచి ఇప్పటివరకు ఎలాంటి అధికారిక ప్రకటన వెలువడలేదు. త్వరలోనే ఓ భారీ ఈవెంట్ ద్వారా కాస్టింగ్, షూటింగ్ షెడ్యూల్స్, టెక్నికల్ టీమ్కు సంబంధించిన వివరాలను ప్రకటించే అవకాశం ఉందని ఇండస్ట్రీ టాక్.
మరి ఈసారి రాఘవ లారెన్స్ ఎలాంటి కథతో ప్రేక్షకులను భయపెట్టి నవ్విస్తాడో చూడాలి. ఒకవేళ ఈ లీక్స్ నిజమైతే, ‘కాంచన 4’ హారర్ కామెడీ జానర్లో మరో బ్లాక్బస్టర్గా నిలవడం ఖాయమనే చెప్పాలి!
