యంగ్ హీరో నిఖిల్ సిద్ధార్థ్ నటిస్తున్న ప్రతిష్టాత్మక పీరియడ్ యాక్షన్ డ్రామా ‘స్వయంభు’ ప్రస్తుతం పోస్ట్ ప్రొడక్షన్ పనులతో బిజీగా ఉంది. భరత్ కృష్ణమాచారి దర్శకత్వం వహిస్తున్న ఈ భారీ చిత్రంలో నిఖిల్ తొలిసారి పూర్తి స్థాయి యోధుడి పాత్రలో కనిపించనున్నాడు. ఇప్పటికే విడుదలైన పోస్టర్లు, గ్లింప్స్ సినిమాపై ఆసక్తిని పెంచాయి.
దాదాపు 175 రోజుల పాటు సాగిన సుదీర్ఘ షూటింగ్ షెడ్యూల్ను 2025 డిసెంబర్ నాటికి పూర్తి చేసినట్లు చిత్రబృందం గతంలో ప్రకటించింది. భారీ యాక్షన్ సన్నివేశాలు, భారీ సెట్స్, పీరియడ్ బ్యాక్డ్రాప్తో తెరకెక్కిన ఈ సినిమా నిర్మాణంలో మేకర్స్ ఎక్కడా రాజీ పడలేదని తెలుస్తోంది.
2,700కు పైగా వీఎఫ్ఎక్స్ షాట్స్!
‘స్వయంభు’లో విజువల్ ఎఫెక్ట్స్కు అత్యంత ప్రాధాన్యత ఉన్నట్లు నిఖిల్ వెల్లడించాడు. సినిమాలో ఏకంగా 2,700కు పైగా వీఎఫ్ఎక్స్ షాట్స్ ఉన్నాయని ఆయన తెలిపాడు.
ప్రస్తుత ప్రేక్షకులు సినిమాల్లోని ప్రతి చిన్న అంశాన్ని కూడా నిశితంగా గమనిస్తున్నారని.. అందుకే గ్రాఫిక్స్ విషయంలో ఎలాంటి లోపాలకు తావు లేకుండా అంతర్జాతీయ స్థాయి ప్రమాణాలతో వీఎఫ్ఎక్స్ పనులు జరుగుతున్నాయని నిఖిల్ పేర్కొన్నాడు.
భారీ యాక్షన్ సీక్వెన్స్లతో పాటు పీరియడ్ ప్రపంచాన్ని తెరపై నమ్మదగిన విధంగా ఆవిష్కరించేందుకు వీఎఫ్ఎక్స్ కీలకం కానున్నాయి. దీంతో పోస్ట్ ప్రొడక్షన్ పనులు కూడా ఎక్కువ సమయం తీసుకుంటున్నట్లు తెలుస్తోంది.
రిలీజ్ డేట్పై త్వరలో క్లారిటీ
ప్రస్తుతం ‘స్వయంభు’ పోస్ట్ ప్రొడక్షన్ పనులు తుది దశకు చేరుకున్నట్లు సమాచారం. వీఎఫ్ఎక్స్, గ్రాఫిక్స్ పనులను పూర్తి చేసిన అనంతరం సినిమాకు సంబంధించిన తుది విడుదల తేదీపై మేకర్స్ అధికారిక ప్రకటన చేయనున్నట్లు తెలుస్తోంది.
నిఖిల్ను ఇంతకుముందెన్నడూ చూడని స్థాయిలో యోధుడి పాత్రలో చూపించనున్న ఈ సినిమా కోసం అభిమానులు ఆసక్తిగా ఎదురుచూస్తున్నారు. భారీ బడ్జెట్, పీరియడ్ కథాంశం, యాక్షన్ సన్నివేశాలు, వేలాది వీఎఫ్ఎక్స్ షాట్స్తో ‘స్వయంభు’ ప్రేక్షకులకు ఎలాంటి అనుభూతిని అందించబోతుందో చూడాలి.
