నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్లో తెరకెక్కుతున్న ప్రతిష్టాత్మక చిత్రం ‘ది ప్యారడైజ్’. ఎన్నో వాయిదాల తర్వాత ఎట్టకేలకు ఈ సినిమా సెప్టెంబర్ 24న ప్రపంచవ్యాప్తంగా ప్రేక్షకుల ముందుకు రానుంది. సెప్టెంబర్ 23 నుంచే తెలుగు రాష్ట్రాల్లో ప్రీమియర్స్ ప్రారంభం కానున్నాయి. దీంతో నాని అభిమానుల్లో సినిమా విడుదలపై భారీ ఉత్కంఠ నెలకొంది.
ఇటీవలే ‘ది ప్యారడైజ్’ సెన్సార్ కార్యక్రమాలను పూర్తి చేసుకుంది. సెన్సార్ బృందం ఈ చిత్రానికి ‘ఏ’ సర్టిఫికెట్ జారీ చేయగా.. సినిమా మొత్తం 2 గంటల 49 నిమిషాల నిడివితో ఉండనుంది. ఇప్పటికే మూవీ నుంచి విడుదలైన ‘ఆయా షేర్’, ‘ఏషనాగుల’ పాటలు యూట్యూబ్లో మంచి స్పందనను సొంతం చేసుకున్నాయి. దీంతో సినిమాపై అంచనాలు మరింత పెరిగాయి.
దసరా తర్వాత మరోసారి అదే కాంబో
నాని, శ్రీకాంత్ ఓదెల కాంబినేషన్లో వస్తున్న రెండో సినిమా ఇది. వీరిద్దరి కాంబోలో వచ్చిన తొలి చిత్రం ‘దసరా’ బాక్సాఫీస్ వద్ద భారీ విజయాన్ని అందుకుంది. ఆ సినిమాలో నాని పోషించిన రా అండ్ రస్టిక్ పాత్ర ప్రేక్షకులను విశేషంగా ఆకట్టుకుంది. ముఖ్యంగా తన నటనతో నాని మరోసారి తనలోని కొత్త కోణాన్ని చూపించారు.
ఇప్పుడు ‘ది ప్యారడైజ్’లో కూడా నాని పూర్తిగా భిన్నమైన పాత్రలో కనిపించనున్నట్లు తెలుస్తోంది. ఇప్పటికే విడుదలైన పోస్టర్లు, పాటలు సినిమాపై ఆసక్తిని పెంచగా.. శ్రీకాంత్ ఓదెల మరోసారి నానిని విభిన్నమైన గెటప్, పాత్రలో చూపించనున్నారనే వార్తలు అభిమానుల్లో క్యూరియాసిటీని పెంచుతున్నాయి.
సెప్టెంబర్ 21న గ్రాండ్ ప్రీ రిలీజ్ ఈవెంట్?
ఇక సినిమా విడుదలకు ముందు భారీ ఈవెంట్ నిర్వహించేందుకు మేకర్స్ సన్నాహాలు చేస్తున్నట్లు సమాచారం. సెప్టెంబర్ 21న హైదరాబాద్లో ‘ది ప్యారడైజ్’ ప్రీ రిలీజ్ ఈవెంట్ను గ్రాండ్గా నిర్వహించనున్నట్లు తెలుస్తోంది.
ఈ కార్యక్రమానికి మెగాస్టార్ చిరంజీవి ముఖ్య అతిథిగా హాజరయ్యే అవకాశం ఉందనే వార్తలు ప్రస్తుతం టాలీవుడ్లో ఆసక్తిని రేపుతున్నాయి. ఆయన ఈ వేడుకకు వస్తే నాని అభిమానులతో పాటు మెగా అభిమానులకు కూడా ఈ ఈవెంట్ ప్రత్యేక ఆకర్షణగా మారే అవకాశం ఉంది.
ప్రస్తుతం చిరంజీవి ‘కాకా’ సినిమాతో బిజీగా ఉన్నారు. ఈ సినిమా తర్వాత శ్రీకాంత్ ఓదెల దర్శకత్వంలో ఆయన ఓ సినిమా చేయనున్నట్లు ఇప్పటికే టాలీవుడ్లో చర్చ జరుగుతోంది. అంతేకాకుండా ఆ చిత్రానికి నాని నిర్మాతగా వ్యవహరించనున్నట్లు సమాచారం.
ఈ నేపథ్యంలో ‘ది ప్యారడైజ్’ ప్రీ రిలీజ్ ఈవెంట్కు చిరంజీవి హాజరై చిత్రబృందానికి విషెస్ చెబితే.. నాని, చిరంజీవి, శ్రీకాంత్ ఓదెల కాంబినేషన్కు సంబంధించిన ఆసక్తికరమైన అంశాలు ఒకే వేదికపై కనిపించే అవకాశం ఉంది. అయితే చిరంజీవి ఈ ఈవెంట్కు హాజరయ్యే విషయంపై అధికారిక ప్రకటన రావాల్సి ఉంది.
