యంగ్ టైగర్ ఎన్టీఆర్ ప్రస్తుతం ప్రశాంత్ నీల్ దర్శకత్వంలో తెరకెక్కుతున్న ‘డ్రాగన్’ సినిమా షూటింగ్తో బిజీగా ఉన్నారు. భారీ అంచనాలతో రూపొందుతున్న ఈ మూవీ షూటింగ్ శరవేగంగా జరుగుతున్న సమయంలో ఎన్టీఆర్ అనుకోకుండా ప్రమాదానికి గురయ్యారు. చేతికి గాయం కావడంతో ఆయనకు సర్జరీ కూడా జరిగింది. దీంతో కొంతకాలం షూటింగ్కు బ్రేక్ పడింది.
ఎన్టీఆర్ సుమారు 8 వారాల పాటు విశ్రాంతి తీసుకుంటారని వార్తలు వచ్చినప్పటికీ.. ఆయన అనుకున్నదానికంటే త్వరగానే కోలుకున్నట్లు తెలుస్తోంది. ఇప్పటికే మేకర్స్ కూడా ఎన్టీఆర్ ఆరోగ్యంపై అప్డేట్ ఇస్తూ త్వరలోనే ఆయన షూటింగ్లో పాల్గొంటారని వెల్లడించారు.
తాజాగా ‘డ్రాగన్’ సినిమాకు సంబంధించిన ఓ క్రేజీ అప్డేట్ బయటకు వచ్చింది. ఎన్టీఆర్ గాయం నుంచి పూర్తిగా కోలుకున్నారని, సెప్టెంబర్ 5 నుంచి తిరిగి సినిమా షూటింగ్లో పాల్గొనబోతున్నారని దర్శకుడు ప్రశాంత్ నీల్ వెల్లడించినట్లు సమాచారం.
దీంతో ఎన్టీఆర్ అభిమానులు ఆనందం వ్యక్తం చేస్తున్నారు. గాయం నుంచి త్వరగా కోలుకుని మళ్లీ షూటింగ్లో పాల్గొంటుండటంతో సినిమా పనులను కూడా వేగంగా పూర్తి చేయాలని మేకర్స్ ప్లాన్ చేస్తున్నట్లు తెలుస్తోంది.
ఇప్పటికే ‘డ్రాగన్’ సినిమాను 2027 జూన్ 11న విడుదల చేయనున్నట్లు మేకర్స్ ప్రకటించారు. షూటింగ్, పోస్ట్ ప్రొడక్షన్ పనులను అనుకున్న సమయానికి పూర్తి చేసి అదే తేదీన సినిమాను ప్రేక్షకుల ముందుకు తీసుకురావాలని చిత్రబృందం భావిస్తోంది.
ఇక ‘డ్రాగన్’ సినిమాలో బాలీవుడ్కు చెందిన పలువురు ప్రముఖ నటీనటులు కూడా కనిపించబోతున్నారనే వార్తలు కొంతకాలంగా వైరల్ అవుతున్నాయి. పాన్ ఇండియా స్థాయిలో తెరకెక్కుతున్న ఈ సినిమాలో బాలీవుడ్ స్టార్స్ భాగం కావడం సినిమాపై మరింత ఆసక్తిని పెంచుతోంది.
ఇప్పటికే ఎన్టీఆర్ పుట్టినరోజు సందర్భంగా విడుదలైన ‘డ్రాగన్’ గ్లింప్స్ సినిమాపై భారీ హైప్ క్రియేట్ చేసింది. ఎన్టీఆర్, ప్రశాంత్ నీల్ కాంబినేషన్లో వస్తున్న తొలి సినిమా కావడంతో అభిమానులు ఈ మూవీ కోసం ఎంతో ఆసక్తిగా ఎదురుచూస్తున్నారు.
ఈ సినిమాలో ఎన్టీఆర్కు జోడీగా రుక్మిణి వసంత్ నటిస్తున్నారు. మరి ప్రశాంత్ నీల్ తన మార్క్ యాక్షన్తో ఎన్టీఆర్ను ఏ స్థాయిలో చూపించబోతున్నారో, ‘డ్రాగన్’ విడుదల తర్వాత ఎలాంటి సంచలనాలు సృష్టిస్తుందో చూడాలి.
