టాలీవుడ్లో సెప్టెంబర్ నెల బాక్సాఫీస్ పోరు ఆసక్తికరంగా మారింది. విజయ్ దేవరకొండ నటిస్తున్న ప్రతిష్టాత్మక చిత్రం ‘రణబాలి’ విడుదల వాయిదా పడటంతో విడుదలల షెడ్యూల్ పూర్తిగా మారిపోయింది. పెద్ద సినిమా తప్పుకోవడంతో ఏర్పడిన ఖాళీని వినియోగించుకునేందుకు పలువురు నిర్మాతలు తమ చిత్రాలను విడుదల చేయాలని నిర్ణయించుకున్నారు. దీంతో సెప్టెంబర్ 10, 11 తేదీల్లో థియేటర్ల వద్ద గట్టి పోటీ నెలకొనే పరిస్థితి కనిపిస్తోంది.
ఈ బాక్సాఫీస్ రేసులో తమిళ స్టార్ కార్తీ నటిస్తున్న ‘సర్దార్ 2’ ప్రధాన ఆకర్షణగా నిలుస్తోంది. తొలి భాగం ఘన విజయం సాధించడంతో ఈ సీక్వెల్పై ప్రేక్షకుల్లో మంచి అంచనాలు ఉన్నాయి. తెలుగు రాష్ట్రాలతో పాటు ఓవర్సీస్ మార్కెట్లో కూడా ఈ చిత్రానికి మంచి బజ్ ఏర్పడింది.
ఇదే సమయంలో విభిన్న కథాంశంతో తెరకెక్కిన ‘మారెమ్మ’, ఆసక్తికరమైన టైటిల్తో వస్తున్న ‘ఎపిక్’, వినోదాన్ని పంచేందుకు సిద్ధమైన ‘డోంట్ ట్రబుల్ ది ట్రబుల్’, డివైన్ యాక్షన్ డ్రామాగా రూపొందిన ‘మహేంద్రగిరి వారాహి’ చిత్రాలు కూడా ప్రేక్షకుల ముందుకు రానున్నాయి. వినాయక చవితి సీజన్ను లక్ష్యంగా చేసుకున్న ఈ సినిమాల్లో ఏది బాక్సాఫీస్ వద్ద విజేతగా నిలుస్తుందో చూడాల్సి ఉంది.
