టాలీవుడ్ ఎనర్జిటిక్ స్టార్ రామ్ పోతినేని తన కెరీర్లోనే అత్యంత ప్రత్యేకమైన ప్రాజెక్ట్తో ప్రేక్షకుల ముందుకు రాబోతున్నాడు. అదే ‘RAPO23’. ఈ సినిమాతో రామ్ కేవలం హీరోగానే కాకుండా.. కథ అందించిన రచయితగా, దర్శకుడిగా కూడా కొత్త ప్రయాణాన్ని ప్రారంభిస్తున్నాడు.
ఎలాంటి హడావిడి లేకుండా సైలెంట్గా ఈ సినిమా షూటింగ్ను ఇప్పటికే ప్రారంభించిన రామ్.. ఈ ప్రాజెక్ట్ను చాలా ప్రతిష్టాత్మకంగా తెరకెక్కిస్తున్నట్లు తెలుస్తోంది. నియో-నాయర్ థ్రిల్లర్ జానర్లో రూపొందుతున్న ఈ చిత్రం డార్క్, ఇంటెన్స్ ఎమోషన్స్తో ప్రేక్షకులకు కొత్త అనుభూతిని అందించబోతుందని సమాచారం.
ఇక ఈ సినిమాకు సంబంధించిన కాస్టింగ్పై ఫిల్మ్ నగర్లో ఆసక్తికరమైన వార్తలు వినిపిస్తున్నాయి. హీరోయిన్గా సంయుక్తా మీనన్ పేరు ఇప్పటికే ప్రచారంలో ఉండగా.. తాజాగా బాలీవుడ్ సీనియర్ నటుడు జాకీ ష్రాఫ్ ఈ చిత్రంలో కీలక పాత్రలో కనిపించనున్నట్లు టాక్ వినిపిస్తోంది.
ముఖ్యంగా జాకీ ష్రాఫ్ పోషించే పాత్రను చాలా పవర్ఫుల్గా డిజైన్ చేశారని, ఆయన పాత్ర సినిమాకు ప్రధాన ఆకర్షణగా నిలవనుందని ఇండస్ట్రీ వర్గాల సమాచారం. హీరో, విలన్ మధ్య వచ్చే సంఘర్షణ సినిమాకు హైలైట్గా ఉంటుందని తెలుస్తోంది.
రామ్ పోతినేని తన కెరీర్లో ఇప్పటివరకు చేయని విధంగా ఈ సినిమాను రూపొందిస్తున్నాడని టాక్. డార్క్ థ్రిల్లర్తో పాటు బలమైన ఎమోషనల్ కంటెంట్ ఉండేలా కథను సిద్ధం చేసినట్లు తెలుస్తోంది.
కృష్ణ పోతినేని భారీ బడ్జెట్తో నిర్మిస్తున్న ఈ చిత్రం షూటింగ్ ప్రస్తుతం శరవేగంగా కొనసాగుతోంది. రామ్ నుంచి వస్తున్న ఈ కొత్త ప్రయత్నం ప్రేక్షకులను ఏ మేరకు ఆకట్టుకుంటుందో చూడాలి.
