మెగాస్టార్ చిరంజీవి, దర్శకుడు బాబీ కొల్లి కాంబినేషన్లో తెరకెక్కనున్న చిరంజీవి కెరీర్ 158వ చిత్రంపై ఆసక్తికరమైన వార్తలు వినిపిస్తున్నాయి. ఈ చిత్రంలో సీనియర్ నటుడు శరత్ కుమార్ కీలక పాత్రలో కనిపించనున్నారని సమాచారం. అంతేకాకుండా, కథలో మరో ప్రత్యేకమైన నెగిటివ్ పాత్ర కూడా ఉండబోతున్నట్లు టాలీవుడ్ వర్గాలు చెబుతున్నాయి.
ఈ సినిమా రెండో భాగంలో వచ్చే ఫ్లాష్బ్యాక్ ఎపిసోడ్ కోసం మెగాస్టార్ చిరంజీవి పూర్తిగా కొత్త లుక్లో కనిపించనున్నారని తెలుస్తోంది. ఆయన పాత్రలో పలు వేరియేషన్స్ ఉండేలా దర్శకుడు బాబీ ప్రత్యేక శ్రద్ధ తీసుకున్నారని సమాచారం.
కుటుంబ భావోద్వేగాలు, బలమైన కథాంశం ఈ సినిమాకు ప్రధాన ఆకర్షణలుగా నిలవనున్నాయని తెలుస్తోంది. చిరంజీవిని అభిమానులు ఇప్పటివరకు చూడని విధంగా చూపించాలనే ఉద్దేశంతో బాబీ ఈ కథను సిద్ధం చేసినట్లు ప్రచారం జరుగుతోంది.
ఈ చిత్రాన్ని KVN ప్రొడక్షన్స్ బ్యానర్పై నిర్మాతలు వెంకట్ కె. నారాయణ, లోహిత్ భారీ బడ్జెట్తో నిర్మిస్తున్నారు. ఇదివరకు చిరంజీవి–బాబీ కాంబినేషన్లో వచ్చిన వాల్తేరు వీరయ్య బాక్సాఫీస్ వద్ద ఘన విజయం సాధించిన నేపథ్యంలో, ఈ కొత్త ప్రాజెక్టుపై అభిమానుల్లో భారీ అంచనాలు నెలకొన్నాయి.
అయితే, పై వివరాలపై చిత్ర బృందం నుంచి ఇంకా అధికారిక ప్రకటన వెలువడలేదు.
