అక్కినేని హీరో నాగచైతన్య కెరీర్లో ఇప్పుడు కొత్త జోరు కనిపిస్తోంది. ‘తండేల్’ తర్వాత కథల ఎంపికలో మరింత జాగ్రత్తగా వ్యవహరిస్తున్న చైతూ… వరుసగా ఇంట్రెస్టింగ్ ప్రాజెక్ట్లను లైన్లో పెడుతున్నాడు. ప్రస్తుతం ఆయన నటిస్తున్న ‘వృషకర్మ’ సినిమా షూటింగ్ చివరి దశకు చేరుకోగా, తదుపరి సినిమాలపై కూడా ఫుల్ ఫోకస్ పెట్టినట్లు తెలుస్తోంది.
ఇప్పటికే రెండు కొత్త ప్రాజెక్టులకు గ్రీన్ సిగ్నల్ ఇచ్చిన నాగచైతన్య… మరో ఆసక్తికరమైన కథను కూడా పరిశీలిస్తున్నాడనే వార్త ఇప్పుడు ఇండస్ట్రీలో చర్చనీయాంశమైంది.
‘మసూద’ సినిమాతో దర్శకుడిగా మంచి గుర్తింపు తెచ్చుకున్న సాయికిరణ్, గత రెండేళ్లుగా ఓ పవర్ఫుల్ హారర్ థ్రిల్లర్ కథను సిద్ధం చేసినట్లు సమాచారం. ఈ ప్రాజెక్ట్ను ప్రముఖ నిర్మాత ఏషియన్ సునీల్ నిర్మించనున్నారని టాక్ వినిపిస్తోంది. ఇటీవల నాగచైతన్యకు ఈ కథను వినిపించగా, కథ నచ్చినప్పటికీ ఇంకా తుది నిర్ణయం తీసుకోలేదని సినీ వర్గాలు చెబుతున్నాయి.
ఇదిలా ఉంటే, ‘బెదురులంక 2012’తో ప్రశంసలు అందుకున్న దర్శకుడు క్లాక్స్తో నాగచైతన్య ఇప్పటికే ఓ సినిమా చేయడానికి అంగీకరించిన సంగతి తెలిసిందే. ‘వృషకర్మ’ షూటింగ్ పూర్తయిన వెంటనే ఈ ఏడాది చివర్లో ఆ సినిమా సెట్స్పైకి వెళ్లే అవకాశాలు కనిపిస్తున్నాయి.
అయితే సాయికిరణ్ చెప్పిన హారర్ థ్రిల్లర్కు కూడా చైతూ గ్రీన్ సిగ్నల్ ఇస్తే, అది వచ్చే ఏడాది ప్రారంభమయ్యే అవకాశం ఉందని సమాచారం.
ఇప్పటివరకు ఎక్కువగా రొమాంటిక్, యాక్షన్, డ్రామా కథల్లో కనిపించిన నాగచైతన్య… ఒకవేళ ఈ ప్రాజెక్ట్కు ఓకే చెబితే, పూర్తి స్థాయి హారర్ థ్రిల్లర్లో ఆయనను చూడటం ప్రేక్షకులకు కొత్త అనుభూతిని ఇవ్వొచ్చు.
మరి నాగచైతన్య నిజంగానే ఈ హారర్ డ్రామాకు గ్రీన్ సిగ్నల్ ఇస్తాడా? లేక మరో కథను ఎంచుకుంటాడా? అనేది త్వరలోనే అధికారికంగా తేలనుంది.
