సంక్రాంతి కానుకగా విడుదలైన ‘నారీ నారీ నడుమ మురారి’ సినిమాతో యువ హీరో శర్వానంద్ బ్లాక్ బస్టర్ విజయాన్ని అందుకున్నారు. పూర్తి స్థాయి కామెడీ ఎంటర్టైనర్గా రూపొందిన ఈ చిత్రం ప్రేక్షకులను కడుపుబ్బ నవ్వించడమే కాకుండా, శర్వానంద్ కెరీర్లో ఒక భారీ హిట్గా నిలిచింది. ఈ సినిమా టైటిల్ను స్వయంగా నందమూరి బాలకృష్ణ లాంచ్ చేయడం విశేషం. గతంలో ఇదే పేరుతో బాలయ్య నటించిన సినిమా సూపర్ హిట్ కావడంతో, ఈ కొత్త చిత్రంపై భారీ అంచనాలు నెలకొన్నాయి.
సినిమా ఘనవిజయం సాధించిన తర్వాత శర్వానంద్ మీడియాతో మాట్లాడుతూ బాలకృష్ణ స్పందన గురించి ఆసక్తికర విషయాలను పంచుకున్నారు. బాలయ్య గారి హిట్ సినిమా టైటిల్ను వాడుకున్నప్పుడు ఆ గౌరవాన్ని నిలబెట్టాలనే బాధ్యత తనపై ఉందని, అందుకే సినిమా ఫలితంపై కాస్త ఒత్తిడికి గురయ్యానని తెలిపారు. అయితే సినిమా చూసిన బాలయ్య స్వయంగా తనకు ఫోన్ చేసి “నా పరువు నిలబెట్టావు శర్వా” అని ప్రశంసించడం తనకి దక్కిన అతిపెద్ద అవార్డు అని శర్వానంద్ సంతోషం వ్యక్తం చేశారు.
అప్పుడు బాలకృష్ణకు, ఇప్పుడు శర్వానంద్కు ఈ ‘నారీ నారీ నడుమ మురారి’ అనే టైటిల్ బాగా కలిసి వచ్చిందని సినీ వర్గాలు చర్చించుకుంటున్నాయి. బాలయ్య ఆశీస్సులతో ప్రారంభమైన ఈ ప్రాజెక్ట్, ఆయన మెప్పును కూడా పొందడంతో చిత్ర యూనిట్ ఉత్సాహంలో ఉంది. సంక్రాంతి రేసులో నిలిచిన ఈ సినిమా ఫ్యామిలీ ఆడియన్స్ను విశేషంగా ఆకట్టుకుంటూ వసూళ్ల వర్షం కురిపిస్తోంది.
