పాన్ ఇండియా స్టార్ ప్రభాస్ ఆతిథ్యానికి తెలుగు సినీ పరిశ్రమలో ప్రత్యేక గుర్తింపు ఉంది, ఆయన ఇంటి భోజనం రుచి చూసిన వారెవరైనా ఆ అనుభవాన్ని మర్చిపోలేరు. తాజాగా, ప్రభాస్ ఉదారతను, ఆతిథ్యాన్ని స్వీకరించిన సెలబ్రిటీల జాబితాలో ‘ఫౌజీ’ చిత్ర నటి ఇమాన్వీ చేరింది. ప్రస్తుతం ఇమాన్వీ హైదరాబాద్లో ప్రభాస్ హీరోగా, హను రాఘవపూడి దర్శకత్వంలో రూపొందుతున్న ‘ఫౌజీ’ సినిమా షూటింగ్లో బిజీగా ఉంది.
షూటింగ్ బ్రేక్ సమయంలో ప్రభాస్ స్వయంగా తన ఇంటి నుంచి రకరకాల రుచికరమైన వంటకాలతో కూడిన భోజనాన్ని ఇమాన్వీకి పంపించారట. ఆ ఫుడ్ స్ప్రెడ్ను చూసి ఇమాన్వీ ఎంతగానో సంతోషించింది. ఆమె ఆ భోజనం ఫోటోను తన ఇన్స్టాగ్రామ్లో షేర్ చేస్తూ, “Heart and stomach so so full. Thank you Prabhas garu” అంటూ ప్రభాస్కు హృదయపూర్వక కృతజ్ఞతలు తెలిపింది. ఈ పోస్ట్ ద్వారా ప్రభాస్ ఎంత దయగల వ్యక్తి అనేది మరోసారి అందరికీ తెలిసివచ్చింది.
‘ఫౌజీ’ సినిమా ఒక పీరియడ్ యుద్ధం, ప్రేమ కథ నేపథ్యంలో రూపొందుతోంది. ఈ చిత్రాన్ని ప్రముఖ నిర్మాణ సంస్థ మైత్రి మూవీ మేకర్స్ నిర్మిస్తుండగా, అనుపమ్ ఖేర్, మిథున్ చక్రవర్తి, జయప్రద వంటి ప్రముఖ నటులు కీలక పాత్రలు పోషిస్తున్నారు. ప్రభాస్ ఆతిథ్యం మరోసారి సోషల్ మీడియాలో వైరల్ కావడంతో, ఆయన మనసు గెలిచే స్వభావానికి నటీనటులు ఎలా ఫిదా అవుతారో స్పష్టమైంది.
