యంగ్ టైగర్ ఎన్టీఆర్, స్టార్ డైరెక్టర్ ప్రశాంత్ నీల్ కాంబినేషన్లో తెరకెక్కుతున్న భారీ ప్యాన్ ఇండియా ప్రాజెక్ట్ ‘డ్రాగన్’పై రోజురోజుకూ అంచనాలు పెరుగుతున్నాయి. ఇప్పటికే ఈ సినిమాపై దేశవ్యాప్తంగా క్రేజ్ నెలకొనగా, తాజాగా బయటకు వచ్చిన స్టోరీ లైన్ సోషల్ మీడియాలో హాట్ టాపిక్గా మారింది.
వైరల్ అవుతున్న సమాచారం ప్రకారం, ఈ సినిమా కథ 1967 కాలం నేపథ్యంలో సాగనుందట. బ్రిటీషర్లు భారతదేశాన్ని విడిచిపెట్టిన తర్వాతి పరిస్థితులు, అంతర్జాతీయ డ్రగ్ మాఫియా కార్యకలాపాలు, అలాగే ప్రపంచవ్యాప్తంగా సంచలనం సృష్టించిన ‘గోల్డెన్ ట్రయాంగిల్’ ప్రాంతం చుట్టూ కథ తిరుగుతుందని టాక్ వినిపిస్తోంది. మయన్మార్, లావోస్, థాయిలాండ్ సరిహద్దులను కలిపే ఈ ప్రాంతం నేపథ్యంలో ప్రశాంత్ నీల్ ఓ భారీ యాక్షన్ డ్రామాను ప్లాన్ చేశారట.
అయితే ఇది కేవలం యాక్షన్ సినిమానే కాదు. బలమైన ఎమోషన్స్, దేశభక్తి అంశాలు కూడా కథలో కీలక పాత్ర పోషిస్తాయని ప్రచారం జరుగుతోంది. బయటకు డార్క్ యాక్షన్ ఫిల్మ్లా కనిపించినా, లోపల మాత్రం బలమైన భావోద్వేగాలతో కూడిన కథను చూపించబోతున్నారట.
ఇక ఈ సినిమాలో ఎన్టీఆర్ ‘లూగర్’ అనే పవర్ఫుల్ పాత్రలో కనిపించనున్నారని సమాచారం. ఆఫ్ఘన్ ట్రేడింగ్ కంపెనీకి చెందిన చీఫ్ అసాసిన్గా ఆయన క్యారెక్టర్ డిజైన్ చేశారట. ప్రశాంత్ నీల్ గత చిత్రాల్లో కనిపించిన రాకీ భాయ్, దేవ పాత్రల కంటే కూడా ఈ పాత్ర మరింత ఇంటెన్స్గా, డార్క్ షేడ్స్తో ఉంటుందని సినీ వర్గాలు చెబుతున్నాయి.
ఈ పాత్ర కోసం ఎన్టీఆర్ భారీ ఫిజికల్ ట్రాన్స్ఫర్మేషన్ చేసినట్లు తెలుస్తోంది. దాదాపు 15 కిలోల బరువు తగ్గి, పూర్తిగా కొత్త లుక్లో కనిపించనున్నారట. అభిమానులు ఇప్పటి నుంచే ఈ క్యారెక్టర్ కోసం ఆసక్తిగా ఎదురుచూస్తున్నారు.
ఇక తారాగణం విషయానికి వస్తే, బాలీవుడ్ సీనియర్ నటుడు అనిల్ కపూర్ కీలక పాత్రలో కనిపించనున్నారు. రుక్మిణి వసంత్ హీరోయిన్గా నటిస్తుండగా, బిజు మీనన్, ఖుష్బూ సుందర్ ఇతర ముఖ్య పాత్రలు పోషిస్తున్నారు. సంగీత బాధ్యతలను రవి బస్రూర్ నిర్వహిస్తున్నారు.
మైత్రీ మూవీ మేకర్స్, ఎన్టీఆర్ ఆర్ట్స్ సంయుక్తంగా అత్యంత భారీ బడ్జెట్తో నిర్మిస్తున్న ఈ ప్రతిష్టాత్మక చిత్రం 2027 జూన్ 11న ప్రపంచవ్యాప్తంగా విడుదల కానుంది. ‘దేవర’, ‘వార్ 2’ తర్వాత ఎన్టీఆర్ నుంచి రానున్న ఈ భారీ ప్రాజెక్ట్ కోసం అభిమానులు ఎంతో ఆసక్తిగా ఎదురుచూస్తున్నారు.
