మెగా పవర్ స్టార్ రామ్ చరణ్ ప్రస్తుతం పెద్ది సినిమా షూటింగ్లో బిజీగా ఉన్నారు. ఈ మూవీ చివరి దశకు చేరుకోగా, షూటింగ్ పూర్తయ్యిన వెంటనే ఎలాంటి గ్యాప్ తీసుకోకుండా తన తదుపరి ప్రాజెక్ట్పై ఫోకస్ పెట్టబోతున్నారని సమాచారం.
ఇప్పటికే చరణ్ తన కెరీర్లో 17వ సినిమాను స్టార్ డైరెక్టర్ సుకుమార్ దర్శకత్వంలో చేయనున్నట్టు ప్రకటించారు. అయితే అనౌన్స్మెంట్కు సంవత్సరం దాటినా షూటింగ్ మాత్రం ప్రారంభం కాలేదు. కానీ ప్రస్తుతం స్క్రిప్ట్ వర్క్ పూర్తి కాగా, ప్రీ-ప్రొడక్షన్ పనులు కూడా ముగిసినట్లు తెలుస్తోంది.
జూన్ నుంచి షూటింగ్ స్టార్ట్…
ఈ ప్రాజెక్ట్ షూటింగ్ ఎప్పుడు మొదలవుతుందా అని అభిమానులు ఎదురుచూస్తుండగా, తాజాగా మంచి అప్డేట్ వచ్చింది. మైత్రి మూవీ మేకర్స్ బ్యానర్కు చెందిన సీఈఓ ఇటీవల ఇచ్చిన ఇంటర్వ్యూలో మాట్లాడుతూ—ఈ సినిమా ప్రీ-ప్రొడక్షన్ పూర్తి అయిందని, జూన్ నుంచి రెగ్యులర్ షూటింగ్ ప్రారంభం కానుందని తెలిపారు. దీంతో ఫ్యాన్స్లో మళ్లీ ఉత్సాహం పెరిగింది.
‘పెద్ది’ రిలీజ్… వెంటనే సుకుమార్ మూవీ
ఇదిలా ఉండగా, చరణ్ నటిస్తున్న పెద్ది కూడా జూన్లోనే విడుదలకు సిద్ధమవుతోంది. ఈ సినిమా రిలీజ్ పూర్తయిన వెంటనే చరణ్, సుకుమార్ ప్రాజెక్ట్తో బిజీ అవుతారని తెలుస్తోంది. త్వరలోనే ఈ సినిమాకు సంబంధించిన పూర్తి వివరాలు అధికారికంగా ప్రకటించే అవకాశం ఉంది.
మళ్లీ చరణ్ – సమంత కాంబో?
ఈ సినిమాలో హీరోయిన్గా సమంత రూత్ ప్రభు నటించబోతున్నారని వార్తలు వినిపిస్తున్నాయి. అయితే దీనిపై చిత్రబృందం ఇంకా క్లారిటీ ఇవ్వలేదు. గతంలో రంగస్థలం లో చరణ్–సమంత కాంబినేషన్ భారీ హిట్గా నిలిచిన విషయం తెలిసిందే. దీంతో ఈ జోడీ మళ్లీ రిపీట్ అవుతుందా అనే ఆసక్తి అభిమానుల్లో నెలకొంది.
ఇక పుష్ప: ది రైజ్ ద్వారా పాన్ ఇండియా స్థాయిలో సంచలన విజయం సాధించిన సుకుమార్, ఇప్పుడు చరణ్తో చేయబోయే ఈ ప్రాజెక్ట్పై కూడా అదే స్థాయిలో అంచనాలు పెరిగాయి. కథ ఏంటి? హీరోయిన్ ఎవరు? ఇతర నటీనటులు ఎవరు? అనే వివరాలు తెలియాల్సి ఉంది.
