మెగా పవర్ స్టార్ రామ్ చరణ్ తన నెక్స్ట్ మూవీ కోసం భారీ మేకోవర్కు సిద్ధమవుతున్నాడట. ఇప్పటికే ‘RC17’పై భారీ అంచనాలు ఉండగా.. ఈ సినిమాలో చరణ్ కనిపించబోయే లుక్ మాత్రం ఇప్పటివరకు చూసిన దానికి పూర్తి భిన్నంగా ఉండబోతుందనే వార్త ఇప్పుడు ఆసక్తిని పెంచుతోంది.
దర్శకుడు సుకుమార్ తెరకెక్కించనున్న ఈ సినిమా కోసం రామ్ చరణ్ దాదాపు 15 కిలోల బరువు తగ్గనున్నాడట. పాత్రకు తగ్గట్టుగా స్లిమ్గా కనిపించడంతో పాటు.. పొడవాటి జుట్టుతో కూడా కొత్త లుక్లో దర్శనమివ్వబోతున్నట్లు సమాచారం.
సుకుమార్, రామ్ చరణ్ కాంబినేషన్ అంటేనే ప్రేక్షకుల్లో భారీ అంచనాలు ఉంటాయి. గతంలో వీరిద్దరి కాంబినేషన్లో వచ్చిన ‘రంగస్థలం’ బ్లాక్బస్టర్ విజయాన్ని అందుకోవడంతో.. ఇప్పుడు మరోసారి ఈ కాంబోలో వస్తున్న సినిమా ఎలా ఉండబోతుందనే ఆసక్తి మరింత పెరిగింది.
ఈసారి సినిమాను పాన్-ఇండియా స్థాయిలో భారీగా తెరకెక్కించేందుకు సుకుమార్ స్క్రిప్ట్ను సిద్ధం చేస్తున్నట్లు తెలుస్తోంది. ఇప్పటికే సినిమా ఫస్ట్ హాఫ్ కథను పూర్తి చేసిన సుకుమార్.. ప్రస్తుతం క్లైమాక్స్పై ఫోకస్ పెట్టినట్లు సమాచారం.
ఇక రామ్ చరణ్ విషయానికి వస్తే.. ప్రస్తుతం చేతి గాయం నుంచి కోలుకుంటున్నాడు. పూర్తిగా రికవరీ అయిన తర్వాత ‘RC17’ కోసం ప్రత్యేక ట్రైనింగ్ ప్రారంభించనున్నాడట. ఇందులో భాగంగా బరువు తగ్గడంతో పాటు పాత్రకు అవసరమైన ఫిజిక్ను సాధించేందుకు ప్రత్యేక డైట్, వర్కౌట్స్ కూడా ఫాలో అవుతాడని తెలుస్తోంది.
అయితే చరణ్ కొత్త లుక్ ఎలా ఉండబోతోంది? సుకుమార్ ఈసారి మెగా పవర్ స్టార్ను ఏ తరహా పాత్రలో చూపించబోతున్నాడు? అనే విషయాలు మాత్రం ప్రస్తుతానికి సస్పెన్స్గానే ఉన్నాయి.
మొత్తానికి ‘రంగస్థలం’ తర్వాత రామ్ చరణ్–సుకుమార్ కాంబినేషన్పై ఉన్న అంచనాలకు.. ఈ కొత్త మేకోవర్ వార్త మరింత హైప్ను తీసుకొస్తోంది.
