వైజయంతీ మూవీస్ నిర్మించిన ‘కల్కి 2898 AD’ చిత్రం ఇండియన్ బాక్సాఫీస్ వద్ద సెన్సేషన్ సృష్టించిన విషయం తెలిసిందే. నాగ్ అశ్విన్ దర్శకత్వంలో ప్రభాస్, కమల్ హాసన్, అమితాబ్ బచ్చన్ వంటి స్టార్ కాస్ట్తో తెరకెక్కిన ఈ చిత్రానికి ఇప్పుడు సీక్వెల్ రూపొందుతోంది.
ఈ క్రేజీ ప్రాజెక్ట్కు సంబంధించి మేకర్స్ తాజాగా ఓ ఆసక్తికరమైన అప్డేట్ను ప్రకటించారు. ఈ సీక్వెల్లో నటించే అవకాశాన్ని అందిస్తూ అధికారికంగా కాస్టింగ్ కాల్ విడుదల చేశారు. నటనపై ఆసక్తి, ప్రతిభ ఉన్నవారికి ఎలాంటి ప్రత్యేక షరతులు లేకుండా వెండితెరపై కనిపించే అవకాశాన్ని కల్పిస్తున్నామని తెలిపారు.
ఈ గోల్డెన్ ఛాన్స్ను వినియోగించుకోవాలనుకునే వారు తమ వివరాలు, పోర్ట్ఫోలియోలను kalkiuniversecasting@gmail.com కు పంపవచ్చని వైజయంతీ మూవీస్ ప్రకటించింది. వెండితెరపై తమ అదృష్టాన్ని పరీక్షించుకోవాలనుకునే కొత్త నటీనటులకు ఇది నిజంగా అరుదైన అవకాశం అని చెప్పాలి.
