నటసింహం నందమూరి బాలకృష్ణ, దర్శకుడు కొరటాల శివ కాంబినేషన్లో ఓ భారీ చిత్రం తెరకెక్కుతున్న విషయం తెలిసిందే. ఈ సినిమాలో నటి ఐశ్వర్య రాజేశ్ కీలక పాత్రలో కనిపించనున్నట్లు సమాచారం. అయితే ఆమె పాత్ర హీరోయిన్గా కాకుండా, నెగిటివ్ షేడ్స్ ఉన్న విభిన్నమైన పాత్రగా ఉండబోతుందని టాక్ వినిపిస్తోంది.
ఈ చిత్రంలో సెకండ్ హాఫ్లో వచ్చే ఫ్లాష్బ్యాక్ ఎపిసోడ్ ప్రత్యేక ఆకర్షణగా నిలవనుందని తెలుస్తోంది. ఆ ఫ్లాష్బ్యాక్లో బాలయ్య బాబు సరికొత్త లుక్లో కనిపించనుండగా, ఆయన పాత్ర మాఫియా బ్యాక్డ్రాప్లో సాగుతుందని సమాచారం.
కొరటాల శివ ఈ సినిమాలో బాలకృష్ణను పూర్తిస్థాయి మాస్ అవతార్లో చూపించేందుకు సిద్ధమవుతున్నారని తెలుస్తోంది. అదే సమయంలో కథలో కుటుంబ భావోద్వేగాలకు కూడా పెద్దపీట వేయనున్నట్లు సమాచారం. ప్రత్యేకమైన కథాంశంతో తెరకెక్కుతున్న ఈ సినిమాపై అభిమానుల్లో భారీ అంచనాలు నెలకొన్నాయి.
‘దేవర’ తర్వాత కొరటాల శివ రూపొందిస్తున్న చిత్రం కావడంతో, కథ విషయంలో ఆయన ప్రత్యేక శ్రద్ధ తీసుకున్నారని టాక్. సుధాకర్ చెరుకూరి, సుధాకర్ మిక్కిలినేని సంయుక్తంగా ఈ చిత్రాన్ని నిర్మిస్తున్నట్లు సమాచారం.
