సూపర్ స్టార్ మహేష్ బాబు ప్రస్తుతం దర్శకధీరుడు ఎస్.ఎస్. రాజమౌళి తెరకెక్కిస్తున్న భారీ అడ్వెంచర్ డ్రామా ‘వారణాసి’ షూటింగ్లో బిజీగా ఉన్నారు. అంతర్జాతీయ స్థాయిలో రూపొందుతున్న ఈ ప్రతిష్టాత్మక ప్రాజెక్ట్పై ఇప్పటికే భారీ అంచనాలు నెలకొన్నాయి. అయితే సినిమా ఇంకా సెట్స్పై ఉండగానే, మహేష్ బాబు తదుపరి సినిమా ఎవరితో ఉండబోతోందన్న చర్చ ఇండస్ట్రీలో హాట్ టాపిక్గా మారింది.
బుచ్చిబాబు నుంచి వంగా వరకు.. రేసులో పలువురు దర్శకులు
ఇటీవల వరకు ‘ఉప్పెన’ దర్శకుడు బుచ్చిబాబు సానాతో మహేష్ సినిమా ఉండొచ్చనే వార్తలు వినిపించాయి. బుచ్చిబాబు ఓ ఆసక్తికరమైన కథను కూడా వినిపించారనే ప్రచారం జరిగింది. కానీ తాజా సమాచారం ప్రకారం ఈ ప్రాజెక్ట్ ముందుకు వెళ్లే అవకాశాలు చాలా తక్కువగా ఉన్నాయని టాక్.
అదే సమయంలో సంచలన దర్శకుడు సందీప్ రెడ్డి వంగా పేరు కూడా బలంగా వినిపిస్తోంది. మహేష్ బాబు – సందీప్ రెడ్డి వంగా కాంబినేషన్లో ఓ మాస్ యాక్షన్ ఎంటర్టైనర్ తెరకెక్కే అవకాశాలు ఉన్నాయని సినీ వర్గాల్లో చర్చ నడుస్తోంది. గతంలో వినిపించిన ‘డెవిల్’ కాన్సెప్ట్ మళ్లీ తెరపైకి రావచ్చని అభిమానులు ఆశాభావం వ్యక్తం చేస్తున్నారు.
మహేష్ ఫోకస్ మాత్రం అనిల్ రావిపూడిపైనే?
‘వారణాసి’ లాంటి భారీ విజువల్ స్పెక్టకల్ కోసం మహేష్ బాబు ఎంతో శ్రమిస్తున్నారని తెలిసిందే. అలాంటి ఇంటెన్స్ ప్రాజెక్ట్ పూర్తయ్యాక, ప్రేక్షకులకు దగ్గరగా ఉండే ఫ్యామిలీ ఎంటర్టైనర్ చేయాలనే ఆలోచనలో ఆయన ఉన్నారట. ఈ క్రమంలోనే సక్సెస్ ఫుల్ డైరెక్టర్ అనిల్ రావిపూడితో మరోసారి చేతులు కలిపే అవకాశం ఎక్కువగా కనిపిస్తోందని ఇండస్ట్రీ వర్గాలు చెబుతున్నాయి.
ఇప్పటికే వీరిద్దరి కాంబినేషన్లో వచ్చిన ‘సరిలేరు నీకెవ్వరు’ భారీ బ్లాక్బస్టర్గా నిలిచింది. ముఖ్యంగా మహేష్ కామెడీ టైమింగ్ను కొత్త కోణంలో చూపించిన చిత్రంగా ఆ సినిమా గుర్తింపు తెచ్చుకుంది.
క్రికెట్ కోచ్గా మహేష్?
ఫిలిం నగర్లో వినిపిస్తున్న లేటెస్ట్ బజ్ ప్రకారం.. అనిల్ రావిపూడి ఇప్పటికే మహేష్ బాబుకు ఓ ఎంటర్టైనింగ్ స్టోరీ లైన్ వినిపించారట. స్పోర్ట్స్ బ్యాక్డ్రాప్లో సాగే ఈ కథలో కామెడీ, ఎమోషన్స్, ఫ్యామిలీ డ్రామాకు పెద్దపీట ఉంటుందని సమాచారం.
అంతేకాదు, ఈ సినిమాలో మహేష్ బాబు ఓ ఎనర్జిటిక్ క్రికెట్ కోచ్ పాత్రలో కనిపించే అవకాశం ఉందని టాక్. స్పోర్ట్స్ డ్రామాతో పాటు అనిల్ రావిపూడి మార్క్ ఎంటర్టైన్మెంట్ జత కలిస్తే, ప్రేక్షకులకు పూర్తి స్థాయి వినోదం గ్యారెంటీ అని సినీ విశ్లేషకులు అభిప్రాయపడుతున్నారు.
ఫైనల్ ఛాయిస్ ఎవరికి?
ప్రస్తుతం ఇవన్నీ ప్రారంభ దశలో ఉన్న చర్చలే అయినప్పటికీ, ‘వారణాసి’ తర్వాత మహేష్ బాబు ఎలాంటి జానర్ను ఎంచుకుంటారన్నది ఆసక్తికరంగా మారింది. బుచ్చిబాబు, సందీప్ రెడ్డి వంగా, అనిల్ రావిపూడి… ఈ ముగ్గురు దర్శకుల్లో చివరకు సూపర్ స్టార్ ఎవరికి గ్రీన్ సిగ్నల్ ఇస్తారో చూడాలి.
