మెగా పవర్ స్టార్ రామ్ చరణ్ నటిస్తున్న ‘పెద్ది’ సినిమా విడుదల కాకముందే సరికొత్త రికార్డులు సృష్టిస్తోంది. తాజాగా విడుదలైన ఈ సినిమాలోని ‘చికిరి చికిరి’ పాట యూట్యూబ్లో సంచలనం సృష్టించింది. ఈ పాట కేవలం 14 గంటల్లోనే 28 మిలియన్ల వ్యూస్ను సాధించి, సౌత్ ఇండియన్ సినిమా చరిత్రలో 24 గంటల్లో అత్యధిక వ్యూస్ సాధించిన వీడియో సాంగ్గా నిలిచింది. అంతకుముందు ‘పుష్ప 2’ సినిమాలోని ‘కిస్సిక్’ పాట పేరిట ఉన్న రికార్డును ఈ సాంగ్ అధిగమించడం, సినిమాపై భారీ అంచనాలను రేకెత్తించింది.
ఈ పాటలో రామ్ చరణ్ చూపించిన అద్భుతమైన ఎనర్జీ, డ్యాన్స్ స్టెప్స్, స్క్రీన్ ప్రెజెన్స్ అభిమానులను ఎంతగానో ఆకట్టుకుంటున్నాయి. ముఖ్యంగా సాంగ్లోని రిథమ్కి తగ్గట్టుగా చరణ్ వేసిన హుక్ స్టెప్ సోషల్ మీడియాలో విపరీతంగా ట్రెండ్ అవుతోంది. అభిమానులు #ChikiriChikiriSong వంటి హ్యాష్ట్యాగ్లతో పోస్టులు పెడుతున్నారు. పాటలో ఉన్న ఫోక్ వైబ్, కలర్ఫుల్ సెట్స్, చెర్రీ ఎనర్జీ కలిసి ఈ సాంగ్ను విజువల్ ఫీస్ట్గా మార్చగా, రెహమాన్ అందించిన బీట్లు ప్రేక్షకులను ఉర్రూతలూగిస్తున్నాయి.
‘చికిరి చికిరి’ పాట సాధించిన ఈ సక్సెస్ ‘పెద్ది’ సినిమాపై అంచనాలను మరింత పెంచింది. ‘ఉప్పెన’ ఫేమ్ బుచ్చిబాబు సానా దర్శకత్వం వహిస్తున్న ఈ చిత్రం మాస్, ఎమోషన్, ఫ్యామిలీ ఎంటర్టైన్మెంట్ అంశాల మిశ్రమంగా గ్రామీణ నేపథ్యంలో రూపొందుతోంది. ఇప్పటికే టీజర్, పోస్టర్లు మంచి హైప్ను క్రియేట్ చేయగా, ఇప్పుడు రికార్డు స్థాయి వ్యూస్తో సినిమా ప్రమోషన్కు కొత్త ఊపునిచ్చింది. ఈ సినిమా 2026లో అతిపెద్ద బ్లాక్బస్టర్గా నిలిచే అవకాశం ఉందని ట్రేడ్ వర్గాలు అంచనా వేస్తున్నాయి.
