రంగారెడ్డి జిల్లాలో ఘోర ప్రమాదం: రంగారెడ్డి జిల్లా, చేవెళ్ల మండలం మీర్జాగూడ సమీపంలో ఆర్టీసీ బస్సు, టిప్పర్ లారీ ఢీకొన్న ఘోర రోడ్డు ప్రమాదంలో 24 మంది మరణించారు. ఈ విషాద ఘటనతో టాలీవుడ్లో పలు సినిమా అప్డేట్లు వాయిదా పడ్డాయి. ఈ ప్రమాదంపై సినీ నటుడు, ఏపీ డిప్యూటీ సీఎం పవన్ కళ్యాణ్ కూడా తీవ్ర దిగ్భ్రాంతి వ్యక్తం చేశారు.నాగచైతన్య సినిమా
అప్డేట్ వాయిదా: అక్కినేని నాగచైతన్య హీరోగా తెరకెక్కుతున్న ‘NC 24’ (వర్కింగ్ టైటిల్) చిత్రంలోని మీనాక్షి చౌదరి క్యారెక్టర్ పోస్టర్ విడుదల కార్యక్రమాన్ని నేటి (నవంబర్ 3) నుండి రేపటికి వాయిదా వేస్తున్నట్లు చిత్ర బృందం ప్రకటించింది. ప్రమాద బాధితుల కుటుంబాలకు సంఘీభావంగా ఈ నిర్ణయం తీసుకున్నారు.
బాలకృష్ణ సినిమా అప్డేట్ వాయిదా: నందమూరి బాలకృష్ణ రాబోయే చిత్రం ‘NBK 111’ నుంచి నేడు మధ్యాహ్నం 12:01 గంటలకు ప్రకటించాలనుకున్న కీలక అప్డేట్ (నయనతార కథానాయికగా అధికారిక ప్రకటన అని వార్తలు వచ్చాయి) కూడా ఈ ఘోర రోడ్డు ప్రమాదం కారణంగా వాయిదా పడింది. బాధిత కుటుంబాలకు ప్రగాఢ సానుభూతి తెలియజేస్తూ నిర్మాణ సంస్థ వృద్ధి సినిమాస్ ఈ విషయాన్ని సోషల్ మీడియాలో పోస్ట్ చేసింది.
