సింగపూర్ యూనివ‌ర్శిటీలో ప‌ట్టా పొందిన అనా కొణిదెల‌

సింగ‌పూర్ యూనివ‌ర్శిటిలో కొణిదెల ప‌వ‌న్ క‌ళ్యాణ్ స‌తీమ‌ణి అనా కొణిదెల రెండో మాస్ట‌ర్ డిగ్రీ పొందారు. నేష‌న‌ల్ యూనివ‌ర్శిటీ ఆఫ్ సింగ‌పూర్ నిర్వ‌హించిన స్నాతకోత్సవంలో పట్టా అందుకున్నారు. అనంత‌రం అనా ప‌వ‌న్‌తో క‌లిపి తీసుకున్న ఫోటోలు సోష‌ల్ మీడియాలో హ‌ల్ చ‌ల్ చేస్తున్నాయి.

సింగపూర్ యూనివర్సిటీలో మాస్టర్స్ పట్టా పొందిన శ్రీమతి అనా కొణిదెలకి ఇది రెండో మాస్టర్స్ డిగ్రీ. . ఆగ్నేయాసియా దేశాల కళలు, సామాజిక విజ్ఞానం (ఆర్ట్స్ మరియు సోషల్ సైన్సెస్) లో ఆమె ఈ మాస్టర్స్ చేశారు. మాస్టర్స్ పట్టా పొందినందుకు సతీమణికి పవన్ కళ్యాణ్ అభినందనలు తెలిపారు.

అనా కొణిదెల రష్యాలోని సెయింట్ పీటర్స్ బర్గ్ స్టేట్ యూనివర్సిటీలో చదివారు. అక్కడ ఓరియంటల్ స్టడీస్ లో హానర్స్ పట్టా పొందారు. ఆసియా దేశాల చరిత్ర, భాషలు, జీవన విధానంపై అధ్యయనానికిగాను తొలుత డిగ్రీ పొందారు. ఆ అధ్యయనంలో థాయిలాండ్ చరిత్ర ఒక ప్రత్యేక సబ్జెక్ట్ గా ఉంది. సెయింట్ పీటర్స్ బర్గ్ స్టేట్ యూనివర్శిటీలో ఉండగానే మూడు భాషలు కూడా నేర్చుకున్నారు. ఆ తర్వాత బ్యాంకాక్ లో, చులాలాంగ్ కార్న్ యూనివర్సిటీ నుంచి థాయ్ స్టడీస్లో అనా మొదటి మాస్టర్స్ డిగ్రీ సాధించారు.