టాలీవుడ్‌లో ఎలాంటి సినీ బ్యాక్‌గ్రౌండ్ లేకుండా స్వయంకృషితో ఇండస్ట్రీలోకి వచ్చి స్టార్ హీరోగా ఎదిగిన వారిలో మాస్ మహారాజ్ రవితేజ ఒకరు. అసిస్టెంట్ డైరెక్టర్‌గా కెరీర్ ప్రారంభించిన రవితేజ.. చిన్న చిన్న పాత్రలు, నెగెటివ్ షేడ్స్ ఉన్న క్యారెక్టర్లు చేస్తూ తనకంటూ ప్రత్యేక గుర్తింపు తెచ్చుకున్నారు.
ఆ తర్వాత ‘నీ కోసం’ సినిమాతో హీరోగా మారిన రవితేజ.. ‘ఇట్లు శ్రావణి సుబ్రమణ్యం’, ‘ఇడియట్’ వంటి సినిమాలతో మాస్ హీరోగా తనకంటూ ఓ ప్రత్యేక ఇమేజ్‌ను సొంతం చేసుకున్నారు. ఇక ఇటీవల ‘ఇరుముడి’ సినిమాతో బాక్సాఫీస్ దగ్గర రూ.250 కోట్లకు పైగా వసూళ్లు సాధించి మరోసారి తన స్టామినాను చూపించారు.
బాలయ్యతో మాత్రం స్క్రీన్ షేర్ చేయలేదు
అయితే కెరీర్ ప్రారంభంలో రవితేజ అప్పటి స్టార్ హీరోల సినిమాల్లో ఎన్నో కీలకమైన చిన్న పాత్రలు చేశారు. నాగార్జున, చిరంజీవి, జగపతిబాబు వంటి హీరోల సినిమాల్లో కనిపించిన రవితేజ.. ఇప్పటివరకు నందమూరి బాలకృష్ణతో మాత్రం స్క్రీన్ షేర్ చేసుకోలేదు.
అయితే కెరీర్ తొలినాళ్లలోనే బాలయ్య–రవితేజ కాంబినేషన్‌లో ఓ సినిమా రావాల్సి ఉందట. కానీ చివరి నిమిషంలో ఆ కాంబినేషన్ మిస్ అయిందనే విషయం ఇప్పుడు ఆసక్తికరంగా మారింది.
‘నిప్పురవ్వ’లో రవితేజ పాత్ర?
అసలు విషయం ఏంటంటే.. బాలకృష్ణ హీరోగా, విజయశాంతి హీరోయిన్‌గా ఏ. కోదండరామిరెడ్డి దర్శకత్వంలో తెరకెక్కిన ప్రతిష్టాత్మక చిత్రం ‘నిప్పురవ్వ’.
ఈ సినిమాలో హీరో చెల్లిని పెళ్లి చేసుకునే ఒక కీలకమైన పాత్ర ఉంటుంది. ఈ క్యారెక్టర్‌లో నెగెటివ్ షేడ్స్ కూడా ఉంటాయి. సినిమాలో ఈ పాత్రను రాజా రవీంద్ర పోషించారు.
అయితే ఈ పాత్ర కోసం మేకర్స్ ఆడిషన్స్ నిర్వహించిన సమయంలో రవితేజ కూడా ఆడిషన్‌కు వెళ్లారట. తన నటనతో మేకర్స్‌ను ఆకట్టుకున్న రవితేజ.. ఆ పాత్రకు సెలెక్ట్ కూడా అయ్యారనే సమాచారం ఉంది.
అంటే అప్పట్లోనే బాలయ్య–రవితేజ ఒకే సినిమాలో కనిపించే అవకాశం వచ్చింది. కానీ కొన్ని కారణాల వల్ల ఆ కాంబినేషన్ చివరికి తెరపైకి రాలేదు.
ఇలా టాలీవుడ్‌లో ఇద్దరు మాస్ హీరోలు కలిసి కనిపించే అరుదైన అవకాశం అప్పుడే మిస్ అయిందన్న విషయం ఇప్పుడు వైరల్‌గా మారింది.
