సినిమా రిలీజ్ అయిందంటే చాలు.. సోషల్ మీడియాలో రివ్యూల హడావుడి ఏ రేంజ్‌లో ఉంటుందో ప్రత్యేకంగా చెప్పాల్సిన అవసరం లేదు. సినిమా బాగుందా? బాలేదా? అనే దానిపై తమ అభిప్రాయాలను చెప్పడంతో పాటు.. కొంతమంది వ్యక్తిగత విమర్శలకు కూడా దిగుతుంటారు. తాజాగా ఇదే విషయంపై అలనాటి వెటరన్ బ్యూటీ రాధిక సీరియస్ కామెంట్స్ చేశారు.
రివ్యూలు హద్దుల్లో ఉండాలి!
తాజాగా ఓ ఈవెంట్‌లో పాల్గొన్న రాధిక.. సోషల్ మీడియా, యూట్యూబ్‌లో సినిమా రివ్యూలు చెప్పేవాళ్లు కొన్ని హద్దులు పాటించాలని సూచించారు. సినిమా నచ్చకపోతే నచ్చలేదని చెప్పే హక్కు ప్రతి ఒక్కరికీ ఉంటుందని.. కానీ అదే పేరుతో సినిమాలో పనిచేసిన వాళ్లను, వారి కుటుంబ సభ్యులను టార్గెట్ చేయడం, వ్యక్తిగతంగా దూషించడం మాత్రం సరైన పద్ధతి కాదని ఆమె అన్నారు.
ఒక సినిమా తెరకెక్కడం వెనుక వందల మంది కష్టపడతారని.. నెలల తరబడి వాళ్లు పడిన కష్టాన్ని కొన్ని నిమిషాల రివ్యూలో పూర్తిగా తేల్చేయడం బాధాకరంగా ఉంటుందని రాధిక అభిప్రాయపడ్డారు.
రివ్యూల పేరుతో వివాదాలు కొత్తేమీ కాదు!
నిజానికి సినిమా రివ్యూల విషయంలో వివాదాలు రావడం ఇదేమీ కొత్త కాదు. గతంలో కూడా ఎంతోమంది సెలబ్రిటీలు రివ్యూయర్ల తీరుపై అసంతృప్తి వ్యక్తం చేశారు.
అయితే.. డబ్బులు పెట్టి సినిమా చూస్తున్న ప్రేక్షకులకు తమ అభిప్రాయాన్ని చెప్పే హక్కు ఉందంటూ రివ్యూయర్లు కూడా కౌంటర్ ఇచ్చిన సందర్భాలు ఉన్నాయి. దీంతో ఈ విషయంలో చాలామంది సినీ ప్రముఖులు వివాదాలకు దూరంగా ఉండటమే మంచిదని సైలెంట్‌గా ఉన్న సందర్భాలు కూడా కనిపించాయి.
ముఖ్యంగా సోషల్ మీడియా పెరిగిపోయిన తర్వాత యూట్యూబ్ ఛానల్స్, ఇన్‌స్టాగ్రామ్ రీల్స్, ఫేస్‌బుక్ వీడియోలు, ఎక్స్ పోస్టులు అంటూ సినిమా రివ్యూలు చెప్పేవాళ్ల సంఖ్య భారీగా పెరిగిపోయింది.
మంచి కంటే చెడే ఎక్కువగా వైరల్!
సినిమా బాగోలేదని చెప్పడం ఒక విషయం.. కానీ సినిమా మొత్తాన్ని కావాలనే నెగెటివ్‌గా చూపించడం మరో విషయం. అదే సమయంలో మంచి సినిమాలను రివ్యూయర్లు ప్రశంసించిన సందర్భాలు కూడా చాలానే ఉన్నాయి. అయితే ఇండస్ట్రీలో మాత్రం పాజిటివ్ కంటే నెగెటివ్ రివ్యూలే ఎక్కువగా వైరల్ అవుతున్నాయనే అభిప్రాయం ఉంది.
రాధిక చెప్పింది ఇదే!
ఇప్పుడు ఇదే అంశంపై రాధిక తన అభిప్రాయాన్ని స్పష్టంగా చెప్పింది. సినిమా నచ్చకపోతే విమర్శించండి.. కానీ ఆ విమర్శ సినిమా వరకే పరిమితం కావాలని సూచించింది.
ఒక సినిమా బాగున్నప్పటికీ కావాలనే చెడ్డదిగా చూపించడం వ్యక్తిగత అజెండాతో కంటెంట్‌ను దెబ్బతీయడమే అవుతుందని.. ఇలాంటి పరిస్థితులు ఇండస్ట్రీకి ఇబ్బందిగా మారుతాయని ఆమె పేర్కొంది.
మరి రాధిక చేసిన ఈ కామెంట్స్‌పై రివ్యూయర్లు ఎలా స్పందిస్తారో చూడాలి!
