నాచురల్ స్టార్ నాని ప్రస్తుతం ‘ది ప్యారడైజ్’ సినిమా ప్రమోషన్స్లో ఫుల్ బిజీగా ఉన్నారు. శ్రీకాంత్ ఓదెల దర్శకత్వంలో చెరుకూరి సుధాకర్ నిర్మిస్తున్న ఈ సినిమా సెప్టెంబర్ 24న ప్రేక్షకుల ముందుకు రాబోతోంది. రిలీజ్ డేట్ దగ్గర పడుతుండటంతో మూవీ టీమ్ వరుసగా ప్రమోషన్ కార్యక్రమాలు నిర్వహిస్తోంది.
ఇప్పటికే తెలుగుతో పాటు తమిళంలోనూ ఈ సినిమాను భారీ స్థాయిలో ప్రమోట్ చేస్తున్నారు. ఇందులో భాగంగా నాని, దర్శకుడు శ్రీకాంత్ ఓదెల చెన్నైలో నిర్వహించిన ప్రెస్ మీట్లో పాల్గొన్నారు. ఈ సందర్భంగా మీడియా అడిగిన పలు ప్రశ్నలకు నాని ఆసక్తికరమైన సమాధానాలు ఇచ్చారు.
పూర్తిస్థాయి తమిళ సినిమా ఎప్పుడు?
ప్రస్తుతం ఇతర భాషలకు చెందిన హీరోలు పలు ఇండస్ట్రీల్లో సినిమాలు చేస్తుండటం కామన్ అయిపోయింది. ముఖ్యంగా తమిళ స్టార్ హీరో ధనుష్ వరుసగా తెలుగు సినిమాల్లో నటిస్తున్నారు. ఈ నేపథ్యంలో నానికి కూడా ఓ ఆసక్తికరమైన ప్రశ్న ఎదురైంది.
“మీరు పూర్తిస్థాయి తమిళ సినిమా ఎప్పుడు చేయబోతున్నారు? ఒకవేళ చేస్తే ఏ దర్శకుడితో కలిసి పనిచేయాలని అనుకుంటున్నారు?” అని మీడియా ప్రశ్నించింది.
దీనికి నాని తన మనసులో మాటను బయటపెట్టారు.
మణిరత్నం దర్శకత్వంలో నటించడమే కల!
తాను గతంలోనే రెండు తమిళ సినిమాలకు కమిట్ అయ్యానని నాని తెలిపారు. 2011లో ‘వెప్పన్’తో పాటు, 2014లో వచ్చిన ‘ఆహా కళ్యాణం’ సినిమాలకు సంబంధించి ముందుగా తనను సంప్రదించారని, అయితే కొన్ని కారణాల వల్ల ఆ ప్రాజెక్ట్స్ తనతో వర్కౌట్ కాలేదని చెప్పారు.
అయితే తమిళంలో తన సినిమాలు డబ్ అవుతూ మంచి స్పందన అందుకున్నాయని నాని గుర్తుచేశారు. భవిష్యత్తులో పూర్తిస్థాయి తమిళ సినిమా చేయాలనే కోరిక తనకు ఉందని తెలిపారు.
అదే సమయంలో తమిళ సినిమా చేయాల్సి వస్తే మాత్రం తనకు దర్శకుడిగా మణిరత్నం ఉండాలనేది తన కల అని నాని చెప్పారు. మణిరత్నం దర్శకత్వంలో ఓ సినిమా చేయాలని చాలా కాలంగా కోరుకుంటున్నట్లు ఈ సందర్భంగా వెల్లడించారు.
నాని కల నెరవేరుతుందా?
ఇప్పుడు నాని కోరుకున్నట్లుగా మణిరత్నం దర్శకత్వంలో సినిమా చేసే అవకాశం ఎప్పుడు వస్తుందనేది ఆసక్తికరంగా మారింది. ఒకవేళ ఈ కాంబినేషన్ సెట్ అయితే తెలుగు, తమిళ ప్రేక్షకుల్లోనూ ఈ ప్రాజెక్ట్పై భారీ అంచనాలు ఏర్పడే అవకాశం ఉంది.
ఇక నాని నటిస్తున్న ‘ది ప్యారడైజ్’ విషయానికి వస్తే.. శ్రీకాంత్ ఓదెల తెరకెక్కిస్తున్న ఈ సినిమా తల్లి, కొడుకుల మధ్య ఉండే ఎమోషనల్ బాండింగ్ నేపథ్యంలో రూపొందుతున్నట్లు తెలుస్తోంది.
ఇప్పటికే సినిమా నుంచి విడుదలైన పోస్టర్స్, టీజర్, ఇతర ప్రమోషనల్ కంటెంట్ సోషల్ మీడియాలో మంచి బజ్ క్రియేట్ చేశాయి. దీంతో సినిమాపై అంచనాలు మరింత పెరిగాయి.
మరి సెప్టెంబర్ 24న ప్రేక్షకుల ముందుకు రాబోతున్న ‘ది ప్యారడైజ్’తో నాని ఎలాంటి ఫలితాన్ని అందుకుంటారో చూడాలి. అలాగే నాని కలగా చెప్పుకున్న మణిరత్నం కాంబినేషన్ భవిష్యత్తులో నిజంగా సెట్ అవుతుందా అనేది కూడా ఆసక్తికరంగా మారింది.
