మాస్ మహారాజ రవితేజ హీరోగా నటించిన తాజా చిత్రం ‘ఇరుముడి’. శివ నిర్వాణ దర్శకత్వంలో తెరకెక్కిన ఈ ఎమోషనల్ ఎంటర్టైనర్ బాక్సాఫీస్ వద్ద మంచి విజయాన్ని అందుకుని ప్రస్తుతం లాంగ్ రన్లోనూ సత్తా చాటుతున్నట్లు సమాచారం.
విడుదలై మూడో వారంలోకి అడుగుపెట్టినప్పటికీ ‘ఇరుముడి’కి ప్రేక్షకుల ఆదరణ తగ్గడం లేదు. ముఖ్యంగా తెలుగు రాష్ట్రాల్లో ఈ సినిమాకు వస్తున్న రెస్పాన్స్ ట్రేడ్ వర్గాలను సైతం ఆశ్చర్యానికి గురిచేస్తోంది. ఇప్పటికే ఈ సినిమా 81 లక్షలకు పైగా టికెట్లు అమ్ముడైనట్లు సమాచారం.
ఇటీవలి కాలంలో కోటి కంటే ఎక్కువ ఫుట్ఫాల్స్ సాధించిన సినిమాల్లో ఎక్కువగా స్టార్ హీరోల పాన్ ఇండియా చిత్రాలే ఉన్నాయి. అయితే ‘ఇరుముడి’ ఎలాంటి పండుగ సీజన్ లేకుండా, ఒక రీజినల్ సినిమాగా విడుదలై 80 లక్షలకు పైగా ఫుట్ఫాల్స్ సాధించడం ఇప్పుడు చర్చనీయాంశంగా మారింది.
ప్రస్తుతం సినిమా ఇదే జోరును కొనసాగిస్తే ఈ వారాంతానికి 85 లక్షల ఫుట్ఫాల్స్ మార్క్ను అందుకునే అవకాశం ఉందని ట్రేడ్ వర్గాల్లో అంచనాలు వినిపిస్తున్నాయి. అంతేకాదు, ఇప్పటివరకు నమోదైన టికెట్ సేల్స్లో ఆన్లైన్ బుకింగ్స్తో పాటు ఆఫ్లైన్ టికెట్ సేల్స్ కూడా కీలకంగా ఉన్నట్లు తెలుస్తోంది.
చిన్న చిన్న సింగిల్ స్క్రీన్ థియేటర్లలో సైతం ఆఫ్లైన్ టికెట్లు బాగానే అమ్ముడవుతున్నాయని సమాచారం. దీంతో లాంగ్ రన్లో ‘ఇరుముడి’ కోటి ఫుట్ఫాల్స్ మార్క్ను దాటే అవకాశం ఉందనే అంచనాలు వ్యక్తమవుతున్నాయి.
ఒకవేళ ఈ సినిమా కోటి ఫుట్ఫాల్స్ మార్క్ను అందుకుంటే రవితేజ కెరీర్లో మరో అరుదైన రికార్డు నమోదైనట్టే. అంతేకాకుండా ఇటీవల కాలంలో వచ్చిన రీజినల్ సినిమాల్లోనూ ఇది ప్రత్యేకమైన ఫీట్గా నిలిచే అవకాశం ఉంది.
ప్రస్తుతం ‘ఇరుముడి’ బాక్సాఫీస్ జోరు చూస్తుంటే కోటి ఫుట్ఫాల్స్ మార్క్ సాధించడం సాధ్యమేనని అభిమానులు భావిస్తున్నారు. మరి లాంగ్ రన్ ముగిసే సమయానికి ఈ సినిమా ఎన్ని ఫుట్ఫాల్స్ సాధిస్తుందో చూడాలి.
