‘రాకా’.. ‘రాకా’.. ‘రాకా’.. ప్రస్తుతం బన్నీ ఫ్యాన్స్తో పాటు మూవీ లవర్స్ను ఈ పేరు తెగ ఎగ్జైట్ చేస్తోంది. అల్లు అర్జున్ – అట్లీ కాంబినేషన్లో తెరకెక్కుతున్న ఈ పాన్ ఇండియా ప్రాజెక్ట్పై ఇప్పటికే భారీ అంచనాలు నెలకొన్నాయి.
భారీ బడ్జెట్తో ఫాంటసీ జానర్లో తెరకెక్కుతున్న ఈ సినిమా అనౌన్స్మెంట్ వచ్చినప్పటి నుంచే దేశవ్యాప్తంగా క్రేజ్ పెరిగిపోయింది. అట్లీ మేకింగ్ స్టైల్, అల్లు అర్జున్ మాస్ ఇమేజ్కు తోడు.. ఈ సినిమాలో బన్నీ పోషిస్తున్న పాత్రల గురించి వస్తున్న రూమర్స్ సినిమాపై హైప్ను మరింత పెంచుతున్నాయి.
ముగ్గురు బన్నీలు.. ఇదే అసలు ట్విస్ట్?
ఈ సినిమా ప్రారంభమైనప్పటి నుంచి అల్లు అర్జున్ పాత్రలపై ఎన్నో వార్తలు వినిపిస్తున్నాయి. ముఖ్యంగా బన్నీ ఈ సినిమాలో ట్రిపుల్ రోల్లో కనిపించబోతున్నాడనే రూమర్ సోషల్ మీడియాలో తెగ వైరల్ అయింది.
ఈ మూడు పాత్రల్లో తండ్రీకొడుకుల సెంటిమెంట్ ఉంటుందని.. మూడు విభిన్నమైన షేడ్స్లో అల్లు అర్జున్ కనిపించబోతున్నాడని వార్తలు వచ్చాయి. దీంతో ఒకే సినిమాలో మూడు డిఫరెంట్ బన్నీలను చూడబోతున్నామంటూ ఫ్యాన్స్ ఫుల్ ఎగ్జైట్ అయ్యారు.
కానీ ఇప్పుడు ఈ ట్రిపుల్ రోల్కు సంబంధించి మరో ఆసక్తికరమైన రూమర్ తెరపైకి వచ్చింది.
బంధం లేని ముగ్గురు బన్నీలు?
ఇన్సైడ్ టాక్ ప్రకారం.. సినిమాలో కనిపించే ముగ్గురు అల్లు అర్జున్ పాత్రలు ఒకే కుటుంబానికి చెందినవారు కాదట. వారి మధ్య ఎలాంటి రక్త సంబంధం ఉండదని.. డోపల్గ్యాంగర్ కాన్సెప్ట్ ఆధారంగా ఈ మూడు పాత్రలను డిజైన్ చేసినట్లు టాక్ వినిపిస్తోంది.
అంటే ముగ్గురి రూపం ఒకేలా ఉంటుంది.. కానీ వారి మధ్య ఎలాంటి జన్యుపరమైన సంబంధం ఉండదన్నమాట.
మరి ఒకేలా కనిపించే ఈ ముగ్గురు వ్యక్తులు ఎవరు? వారి జీవితాలు ఒకదానితో ఒకటి ఎలా కనెక్ట్ అవుతాయి? కథలో ఈ ముగ్గురి పాత్రలు ఏంటి? అనే ప్రశ్నలు ఇప్పుడు ఆసక్తిని పెంచుతున్నాయి.
సాధారణంగా సినిమాల్లో డ్యూయల్ లేదా ట్రిపుల్ రోల్స్ అంటే అన్నదమ్ములు, కవలలు, తండ్రీకొడుకులు అనే కాన్సెప్ట్లే ఎక్కువగా కనిపిస్తాయి. కానీ ఎలాంటి బంధుత్వం లేని ముగ్గురు వ్యక్తులు ఒకేలా కనిపిస్తూ ఒకే కథలో కలిస్తే.. ఆ కథలో వచ్చే ట్విస్టులు, డ్రామా ఏ రేంజ్లో ఉంటాయో ఊహించుకోవచ్చు.
అట్లీ మార్క్ సర్ప్రైజ్ ఇదేనా?
అట్లీ సినిమాల్లో ఎమోషన్తో పాటు సర్ప్రైజ్ ఎలిమెంట్స్కు ఎప్పుడూ ప్రత్యేకమైన స్థానం ఉంటుంది. ఇప్పుడు అల్లు అర్జున్ లాంటి మాస్ హీరోతో డోపల్గ్యాంగర్ కాన్సెప్ట్ను టచ్ చేస్తున్నారనే రూమర్ నిజమైతే.. సినిమా మరింత ఇంట్రెస్టింగ్గా మారే అవకాశం ఉంది.
ఇక ఈ ముగ్గురు పాత్రల చుట్టూ యాక్షన్, ఎమోషనల్ డ్రామా, మైండ్ గేమ్స్తో కథను నడిపించబోతున్నారనే టాక్ కూడా వినిపిస్తోంది.
మొత్తానికి ముగ్గురు బన్నీలు ఒకే ఫ్రేమ్లో కనిపిస్తే.. ఆ విజువల్ ట్రీట్ థియేటర్లలో ఫ్యాన్స్కు పూనకాలు తెప్పించడం ఖాయం.
అయితే ప్రస్తుతం ఇవన్నీ రూమర్స్ మాత్రమే. ఈ డోపల్గ్యాంగర్ కాన్సెప్ట్పై మేకర్స్ నుంచి అధికారికంగా ఎలాంటి క్లారిటీ వస్తుందో చూడాలి.
