టాలీవుడ్లో రాక్స్టార్గా తనకంటూ ప్రత్యేక గుర్తింపు సంపాదించుకున్న సంగీత దర్శకుడు దేవిశ్రీ ప్రసాద్ త్వరలో హీరోగా ప్రేక్షకుల ముందుకు రాబోతున్నారు. మరోవైపు ‘బలగం’ సినిమాతో దర్శకుడిగా అద్భుతమైన విజయాన్ని అందుకున్న కమెడియన్ వేణు.. తన తదుపరి చిత్రం **‘ఎల్లమ్మ’**తో ప్రేక్షకులను అలరించేందుకు సిద్ధమవుతున్నారు.
ఎన్నో అడ్డంకుల తర్వాత ఈ సినిమా షూటింగ్ ఇటీవల ప్రారంభమైన విషయం తెలిసిందే. దేవిశ్రీ ప్రసాద్ను హీరోగా ఎంపిక చేయడంతో మొదటి నుంచే ‘ఎల్లమ్మ’ సినిమాపై ప్రేక్షకుల్లో ఆసక్తి నెలకొంది.
‘ఎల్లమ్మ’ సినిమాకు హీరోయిన్ విషయంలో గత కొంతకాలంగా పలు పేర్లు వినిపించాయి. తొలుత కీర్తి సురేష్ హీరోయిన్గా నటించబోతున్నట్లు వార్తలు వచ్చాయి. అయితే ఈ వార్తలను కీర్తి సురేష్ ఖండించారు.
ఆ తర్వాత సాయి పల్లవి పేరు కూడా తెరపైకి వచ్చింది. దేవిశ్రీ ప్రసాద్కు జోడీగా సాయి పల్లవి నటించబోతున్నారనే ప్రచారం జరిగినప్పటికీ, ఆ వార్తల్లో కూడా నిజం లేదని తేలింది.
తాజాగా ‘ఎల్లమ్మ’ హీరోయిన్కు సంబంధించి మరో ఆసక్తికరమైన వార్త టాలీవుడ్ వర్గాల్లో వినిపిస్తోంది. ‘8 వసంతాలు’ సినిమాతో తెలుగు ప్రేక్షకులకు దగ్గరైన యంగ్ హీరోయిన్ అనంతిక సనిల్ కుమార్ను ‘ఎల్లమ్మ’లో హీరోయిన్గా ఎంపిక చేసినట్లు సమాచారం.
ఇప్పటికే అనంతిక ఈ సినిమా కోసం లుక్ టెస్ట్ కూడా పూర్తి చేసినట్లు తెలుస్తోంది. లుక్ టెస్ట్ అనంతరం దర్శకుడు వేణు, నిర్మాతలు ఆమెను హీరోయిన్గా ఫైనల్ చేసినట్లు టాలీవుడ్ వర్గాల్లో చర్చ జరుగుతోంది.
అంతేకాకుండా దేవిశ్రీ ప్రసాద్, అనంతికలపై ప్రత్యేకంగా ఫోటోషూట్ కూడా నిర్వహించినట్లు సమాచారం. ఈ ఇద్దరి కాంబినేషన్ను చూసిన దర్శక నిర్మాతలు సంతృప్తి వ్యక్తం చేసి అనంతికను ఫైనల్ చేసినట్లు తెలుస్తోంది.
అయితే హీరోయిన్ విషయంలో అధికారిక ప్రకటన రావాల్సి ఉంది. త్వరలోనే మేకర్స్ అనంతిక పేరును అధికారికంగా ప్రకటించే అవకాశం ఉందని సమాచారం.
ఇక అనంతిక ప్రస్తుతం ‘రోమాంచకం’ సినిమాతో ప్రేక్షకుల ముందుకు రావడానికి సిద్ధమవుతున్నారు. ఈ సినిమా సెప్టెంబర్ 3న విడుదల కానుంది. ఆ సినిమా విడుదలకు ముందే ‘ఎల్లమ్మ’లో అవకాశం దక్కించుకోవడం విశేషంగా మారింది.
దిల్ రాజు, శిరీష్ నిర్మిస్తున్న ఈ సినిమాకు వేణు దర్శకత్వం వహిస్తున్నారు. అన్నీ అనుకున్నట్లు జరిగితే ‘ఎల్లమ్మ’ వచ్చే ఏడాది ఫిబ్రవరిలో ప్రేక్షకుల ముందుకు వచ్చే అవకాశం ఉంది.
