కుంభమేళాలో పూసలు అమ్ముకుంటూ సోషల్ మీడియా సెన్సేషన్గా మారిన మోనాలిసా భోంస్లే, బుధవారం సాయంత్రం తన ప్రియుడు ఫర్మాన్ ఖాన్ను వివాహం చేసుకుంది. కేరళలోని తిరువనంతపురంలో ఉన్న ఒక ఆలయంలో వీరిద్దరూ హిందూ సంప్రదాయం ప్రకారం దండలు మార్చుకుని ఒకటయ్యారు. తమ వివాహానికి పెద్దలు అంగీకరించకపోవడంతో, పోలీసుల రక్షణ కోరిన కొద్ది గంటల్లోనే ఈ జంట పెళ్లి పీటలెక్కడం విశేషం.
మోనాలిసా, ఫర్మాన్ ఖాన్ గత ఏడాదిన్నరగా ప్రేమలో ఉన్నారు. ఫేస్బుక్ ద్వారా పరిచయమైన వీరి బంధానికి మోనాలిసా తండ్రి జయ్ సింగ్ భోంస్లే తీవ్ర అభ్యంతరం వ్యక్తం చేశారు. తన తండ్రి బలవంతంగా మరొకరితో పెళ్లి చేయాలని చూస్తున్నారని, తమకు ప్రాణహాని ఉందని మోనాలిసా పోలీసులకు ఫిర్యాదు చేసింది. పోలీసులు ఆమె తండ్రిని పిలిచి కౌన్సెలింగ్ ఇచ్చినప్పటికీ, తమ భద్రతను దృష్టిలో ఉంచుకుని ఈ జంట వెంటనే వివాహం చేసుకోవాలని నిర్ణయించుకుంది.
సోషల్ మీడియా ఫేమ్తో ఇప్పటికే సినిమా అవకాశాలు అందుకుంటున్న మోనాలిసా, ప్రస్తుతం మలయాళ చిత్రం ‘నాగమ్మ’ షూటింగ్ కోసం కేరళలో ఉంది. తెలుగులో ‘లైఫ్’ అనే సినిమాతో హీరోయిన్గా పరిచయం కాబోతోంది. కెరీర్ పరంగా ఎదుగుతున్న సమయంలోనే ఆమె తీసుకున్న ఈ సాహసోపేత నిర్ణయం ఇప్పుడు ఇండస్ట్రీలో చర్చనీయాంశమైంది. ఆలయంలో జరిగిన వీరి వివాహ వేడుకకు సంబంధించిన వీడియోలు ప్రస్తుతం నెట్టింట వైరల్ అవుతున్నాయి.
