ప్రభాస్, రిద్ధి కుమార్ డేటింగ్ చేస్తున్నారనే వార్తలు రావడానికి ప్రధాన కారణం ‘ది రాజా సాబ్’ ప్రీ-రిలీజ్ ఈవెంట్. ఈ వేడుకలో రిద్ధి కుమార్ మాట్లాడుతూ, ప్రభాస్ పట్ల తనకున్న అభిమానాన్ని చాటుకోవడమే కాకుండా ఆయన తనకిచ్చిన ఒక ప్రత్యేక బహుమతి గురించి ప్రస్తావించారు. ప్రభాస్ తనకు ఒక అందమైన చీరను గిఫ్ట్గా ఇచ్చారని, ఆ చీరను తాను గత మూడేళ్లుగా చాలా జాగ్రత్తగా దాచుకుని, ఈ రోజు ఈ ప్రత్యేక వేడుక కోసం ధరించానని ఆమె వెల్లడించింది. తన జీవితంలో ప్రభాస్ను పొందడం సంతోషంగా ఉందని ఆమె చేసిన వ్యాఖ్యలు ఇప్పుడు నెట్టింట రకరకాల ఊహాగానాలకు తావిచ్చాయి.
రిద్ధి కుమార్ అంత ఎమోషనల్గా మాట్లాడటం, ప్రభాస్ ఇచ్చిన బహుమతిని మూడేళ్ల పాటు దాచుకోవడం చూస్తుంటే వీరిద్దరి మధ్య ఏదో ఉందనే అనుమానాలను నెటిజన్లు వ్యక్తం చేస్తున్నారు. అయితే ప్రభాస్ తనతో కలిసి పనిచేసే నటీనటులకు, చిత్ర యూనిట్కు ఖరీదైన బహుమతులు ఇవ్వడం, రుచికరమైన భోజనం పెట్టి ఆదరించడం ఆయనకు అలవాటేనని ఆయన అభిమానులు గుర్తు చేస్తున్నారు. కేవలం ఒక చీరను బహుమతిగా ఇచ్చినంత మాత్రాన దానిని డేటింగ్ అని పిలవలేమని, ప్రభాస్ ‘డార్లింగ్’ మనస్తత్వం అలాంటిదని వారు వాదిస్తున్నారు.
ఇక సినిమా విషయానికి వస్తే, ‘రాధే శ్యామ్’ తర్వాత ప్రభాస్, రిద్ధి కుమార్ కలిసి నటిస్తున్న రెండో చిత్రం ఇది. మారుతి దర్శకత్వంలో హారర్ కామెడీగా తెరకెక్కుతున్న ‘ది రాజా సాబ్’లో రిద్ధితో పాటు నిధి అగర్వాల్, మాళవిక మోహనన్ కూడా హీరోయిన్లుగా నటిస్తున్నారు. సంజయ్ దత్ కీలక పాత్ర పోషిస్తున్న ఈ చిత్రం జనవరి 9, 2026న ప్రపంచవ్యాప్తంగా విడుదల కానుంది. ప్రస్తుతం వైరల్ అవుతున్న ఈ డేటింగ్ రూమర్లపై అటు ప్రభాస్ టీమ్ గానీ, ఇటు రిద్ధి కుమార్ గానీ అధికారికంగా ఎలాంటి వివరణ ఇవ్వలేదు.
