టాలీవుడ్ స్టార్ హీరో ఎన్టీఆర్ ప్రస్తుతం క్రేజీ ప్రాజెక్ట్స్తో ఫుల్ బిజీగా ఉన్నారు. ముఖ్యంగా ప్రశాంత్ నీల్ దర్శకత్వంలో తెరకెక్కుతున్న ‘డ్రాగన్’ (వర్కింగ్ టైటిల్) సినిమాపై అభిమానుల్లో భారీ అంచనాలు ఉన్నాయి. షూటింగ్ వేగంగా జరుగుతుండగా, ప్రతి చిన్న అప్డేట్ కోసం ఫ్యాన్స్ ఆసక్తిగా ఎదురుచూస్తున్నారు. ఇటీవల ఎన్టీఆర్ సిక్స్ ప్యాక్తో, ఫిట్ లుక్లో కనిపించిన ఫోటో సోషల్ మీడియాలో వైరల్ అయింది. ఈ లుక్ చూసిన అభిమానులు సినిమా కోసం ఎన్టీఆర్ భారీగా ట్రాన్స్ఫర్మ్ అయ్యారని భావించారు.
కానీ ఈ ఫోటో వెనుక ఉన్న అసలు ట్విస్ట్ ఇప్పుడు బయటకు వస్తోంది. ఈ సినిమాలో ఎన్టీఆర్ లుక్ విషయంలో దర్శకుడు ప్రశాంత్ నీళ్ ప్రత్యేక ప్లాన్తో ముందుకు వెళ్తున్నారట. ఒకే సినిమాలో రెండు భిన్నమైన ఫిజిక్స్తో కనిపించేలా ఎన్టీఆర్ని ప్రిపేర్ చేస్తున్నారని టాక్.
RRR తర్వాత వచ్చిన దేవర తో మంచి హిట్ అందుకున్న ఎన్టీఆర్, ఇప్పుడు ఈ కొత్త ప్రాజెక్ట్తో మరోసారి బాక్సాఫీస్ని షేక్ చేయాలని చూస్తున్నారు. ఈ సినిమాను రెండు భాగాలుగా ప్లాన్ చేస్తున్నట్లు సమాచారం. మొదటి భాగం వచ్చే ఏడాది జూన్లో విడుదల కావచ్చని అంటున్నారు.
ఇక అసలు హైలైట్ ఏంటంటే—మొదటి పార్ట్లో ఎన్టీఆర్ స్లిమ్, సిక్స్ ప్యాక్ బాడీతో కనిపిస్తే, రెండో పార్ట్లో మాత్రం బల్క్ అయిన పవర్ఫుల్ లుక్లో కనిపించనున్నారట. అంటే కథకు అనుగుణంగా హీరో ఫిజిక్ కూడా మారుతుందని అర్థం. రెండో భాగంలో పాత్ర మరింత బలంగా, భారీగా ఉండబోతుందని, అందుకే ఎన్టీఆర్ తన బాడీని బల్క్ చేసేందుకు ప్రత్యేకంగా ట్రైనింగ్ తీసుకుంటున్నట్లు తెలుస్తోంది.
ప్రశాంత్ నీళ్ తన స్టైల్లో భారీ యాక్షన్, ఎమోషన్స్తో ఈ సినిమాను ప్లాన్ చేస్తున్నారని టాక్. ఒకే సినిమాలో రెండు డిఫరెంట్ అవతారాల్లో ఎన్టీఆర్ కనిపించనున్నారని వార్తలు రావడంతో అభిమానుల్లో ఎక్సైట్మెంట్ మరింత పెరిగింది.
మొత్తానికి, ఈ ప్రాజెక్ట్తో ఎన్టీఆర్ మరోసారి తన డెడికేషన్, ట్రాన్స్ఫర్మేషన్తో సర్ప్రైజ్ ఇవ్వడానికి సిద్ధమవుతున్నారు. ఇప్పుడు అందరి దృష్టి ఒక్కటే—ఈ భారీ ప్రాజెక్ట్ నుంచి వచ్చే తదుపరి అప్డేట్ ఎప్పుడు వస్తుందా అన్నది!
