ఇండియన్ సినిమా బిగ్గెస్ట్ సూపర్ స్టార్ ప్రభాస్ ప్రస్తుతం వరుస పాన్ ఇండియా, పాన్ వరల్డ్ ప్రాజెక్ట్లతో బిజీగా ఉన్న సంగతి తెలిసిందే. అయితే 2026లో భారీ అంచనాల మధ్య విడుదలైన ‘ది రాజా సాబ్’ ప్రేక్షకులను పూర్తిస్థాయిలో ఆకట్టుకోలేకపోయింది. దీంతో అభిమానుల దృష్టి ఇప్పుడు ప్రభాస్ తదుపరి సినిమాలపై పడింది.
ముఖ్యంగా దర్శకుడు హను రాఘవపూడి తెరకెక్కిస్తున్న ‘ఫౌజీ’ సినిమాపై భారీ అంచనాలు ఉన్నాయి. మొదట ఈ చిత్రాన్ని 2026లోనే విడుదల చేయాలని భావించినప్పటికీ, తాజా సినీ వర్గాల సమాచారం ప్రకారం ఈ సినిమా విడుదల 2027కు వాయిదా పడే అవకాశాలు కనిపిస్తున్నాయి.
2027లో ప్రభాస్ ఫ్యాన్స్కు ట్రిపుల్ ట్రీట్!
‘ఫౌజీ’ వాయిదా పడితే 2027లో ప్రభాస్ అభిమానులకు వరుసగా మూడు భారీ ప్రాజెక్టులు అందుబాటులోకి వచ్చే అవకాశం ఉందని టాలీవుడ్ వర్గాల్లో చర్చ జరుగుతోంది.
అందులో మొదటిది దర్శకుడు సందీప్ రెడ్డి వంగా తెరకెక్కిస్తున్న ‘స్పిరిట్’. ప్రభాస్ కెరీర్లో తొలిసారి పవర్ఫుల్ పోలీస్ ఆఫీసర్ పాత్రలో కనిపించనున్న ఈ చిత్రంపై ఇప్పటికే భారీ అంచనాలు నెలకొన్నాయి.
ఇక మరోవైపు ఎంతో ప్రతిష్టాత్మకంగా రూపొందుతున్న ‘బాహుబలి: ది ఎటర్నల్ వార్’ యానిమేషన్ ప్రాజెక్ట్ కూడా 2027లో విడుదలకు సిద్ధమవుతున్నట్లు సమాచారం. ‘బాహుబలి’ ఫ్రాంచైజీకి ప్రపంచవ్యాప్తంగా ఉన్న క్రేజ్ దృష్ట్యా ఈ ప్రాజెక్ట్పై కూడా ఆసక్తి నెలకొంది.
బాక్సాఫీస్ వద్ద ప్రభాస్ దండయాత్ర?
‘ఫౌజీ’, ‘స్పిరిట్’, ‘బాహుబలి: ది ఎటర్నల్ వార్’ వంటి మూడు విభిన్న ప్రాజెక్టులు ఒకే ఏడాదిలో విడుదలైతే 2027 నిజంగానే ప్రభాస్ అభిమానులకు పండగ సంవత్సరం కానుంది. యాక్షన్, ఎమోషన్, విజువల్ గ్రాండియర్తో రానున్న ఈ చిత్రాలు బాక్సాఫీస్ వద్ద ఎలాంటి సంచలనాలు సృష్టిస్తాయో చూడాలి.
అయితే ఈ విడుదల తేదీలపై ఇప్పటివరకు అధికారిక ప్రకటనలు వెలువడలేదు. దీంతో అభిమానులు మేకర్స్ నుంచి క్లారిటీ కోసం ఆసక్తిగా ఎదురుచూస్తున్నారు.
