‘రంగస్థలం’ వంటి ఇండస్ట్రీ హిట్ తర్వాత మరోసారి చేతులు కలిపిన రామ్ చరణ్, సుకుమార్ కాంబోపై ఇప్పటికే భారీ అంచనాలు ఉన్నాయి. ఈ నేపథ్యంలో ఇప్పుడు హీరోయిన్ ఎంపికకు సంబంధించిన ఓ వార్త టాలీవుడ్లో హాట్ టాపిక్గా మారింది.
ఫిల్మ్నగర్ వర్గాల సమాచారం ప్రకారం.. ఈ ప్రతిష్టాత్మక యాక్షన్ డ్రామాలో హీరోయిన్గా బాలీవుడ్ స్టార్ కియారా అద్వానీని తీసుకోవాలని చిత్రబృందం ఆలోచిస్తున్నట్లు ప్రచారం జరుగుతోంది. ప్రస్తుతం దర్శకుడు సుకుమార్ కథను ఫైనల్ చేయడంతో పాటు టెక్నికల్ టీమ్, నటీనటుల ఎంపికపై పూర్తి స్థాయిలో దృష్టి పెట్టినట్లు తెలుస్తోంది.
అయితే, కియారా అద్వానీ హీరోయిన్గా నటిస్తున్న విషయంపై చిత్రబృందం నుంచి ఇప్పటివరకు ఎలాంటి అధికారిక ప్రకటన వెలువడలేదు.
ప్లాప్ సెంటిమెంట్ను బ్రేక్ చేస్తుందా ఈ జోడీ?
రామ్ చరణ్, కియారా అద్వానీ కలిసి నటించడం కొత్త విషయం కాదు. గతంలో బోయపాటి శ్రీను దర్శకత్వంలో వచ్చిన ‘వినయ విధేయ రామ’, అలాగే శంకర్ తెరకెక్కించిన ‘గేమ్ ఛేంజర్’ చిత్రాల్లో వీరిద్దరూ జంటగా కనిపించారు. అయితే ఈ రెండు సినిమాలు బాక్సాఫీస్ వద్ద ఆశించిన విజయాన్ని అందుకోలేకపోయాయి.
దీంతో ఈ జోడీపై ఒక ప్లాప్ సెంటిమెంట్ ఏర్పడిందనే చర్చ ఇండస్ట్రీలో వినిపిస్తోంది. అయినప్పటికీ, సుకుమార్ మరోసారి చరణ్ సరసన కియారానే ఎంపిక చేయాలనుకుంటున్నారనే వార్త అభిమానుల్లో ఆసక్తిని పెంచుతోంది.
‘రంగస్థలం’ మ్యాజిక్ మళ్లీ రిపీట్ అవుతుందా?
‘రంగస్థలం’తో తెలుగు సినిమా చరిత్రలో నిలిచిపోయే విజయాన్ని అందుకున్న రామ్ చరణ్ – సుకుమార్ కాంబినేషన్ ఇప్పుడు మరోసారి ప్రేక్షకుల ముందుకు రానుంది. ఈసారి కూడా అదే మ్యాజిక్ను రిపీట్ చేస్తారా? కియారా అద్వానీ నిజంగానే హీరోయిన్గా ఫైనల్ అవుతుందా? అనే విషయాలపై త్వరలోనే అధికారిక క్లారిటీ వచ్చే అవకాశం ఉంది.
మొత్తానికి ‘RC17’ షూటింగ్ ప్రారంభం కాకముందే వరుస అప్డేట్స్తో హాట్ టాపిక్గా మారింది. ఇక కియారా అద్వానీ పేరు నిజమవుతుందా? లేక మేకర్స్ మరో హీరోయిన్ను ఎంపిక చేస్తారా? అనేది ఆసక్తికరంగా మారింది.
